طريقة الجبنه الموتزاريلا

هى اول حاجة نجيب نص كيلو لبن انا بحب اجرب فى كمية صغيرة الاول المهم

نجيبة من عند اللبان ومنغليهوش نحطة فى اى حاجة استانليس ونغطية ونسيبة لتانى يوم انا بجيبة من باليل واسيبة للصبح طبعا الصبح بيكون راب يعنى تقل اوى نروح حطينة على نااار هادييية اوى اوى اوى واحط علية ملعقة كبيرة لبن بودر ونص ملعقة صغيرة ملح او حسب ما تدوقية وتقلبى تقليبة واحدة وماتخليهوش عالنار كتير اول ما تحسى انة هابقصل يعنى اية هايفصل يعنى هايقطع هايكون مية لوحدها والجبنة لوحدها نكون مولعين على مية فى حلة علشان هانحط الحلة اللى فيها اللبن جواها نشيل بسرعة الحلة من عالنار ونحطها على المية السخنة يعنى زى حمام بخار كدة ونقلب هانلاقى ان اللبن فصل ونمسك بملعقة خشب حتة جبنة ونرفعها بالملعقة هانلاقيها بتنزل بطئ زى الاستك بتتمط نشيلها بسرعة من عالنار خلو بالكو لو قعدت كتير عالنار بتتمط اوى وبتبقى زى الكاوتش احنا مش عاوزين كدة يادوب عاوزاها تتمط خفيف المهم نحطها فى شاشة او اى فانلة قديمة عندك ونسيبها على مصفاة فى حلة تنزل ميتها مترموش المية اللى هاتنزل لاننا هانحطها على المش لو عندك مش المهم بعد ما تصفى المية تجيبى بولة فيها مية ساقعة وتحطة الشاشة وهى مربوطة بالجبن وتضغطى عليها علشان تنزل اللبن وتمسك فى بعضها هاتبقى زى الكورة قطعى منها براحتك وممكن تشيليها فى الفريزر ولو احتاجتى ابقى ابشريها وبالف هنا .