الرئيسية المزيد فضفضه رضوى ابراهيم ….. ياعزيزى كلنا أشرار

فضفضه رضوى ابراهيم ….. ياعزيزى كلنا أشرار

moda 2513
فضفضه رضوى ابراهيم ….. ياعزيزى كلنا أشرار
واتساب ماسنجر تلجرام
كتبت / رضوى ابراهيم
“رصـــــد الــــوطــــن”

الأغلبيه العظمى شايفه إنهم بيتميزوا بالطيبه ….
وأن الطيبه اتخلقت علشانهم …
وبيحاولوا جاهدين إنهم يثبتوا دا للغير (فقط) ….. ومش مهم إنهم يثبتوا دا أدام نفسهم …
بيستخدموا وسائل كتيره جدا …. لأثبات أنهم طيبين وأنهم غير مؤذين بالمره عن طريق وسائل كتير جدا :
• منها استخدام الدين وأظهار التدين المبالغ فيه لإخفاء الشر
• ومنها في طريقه اللبس وانتقاد الأخر في طريقة لبسه
• ومنها انتقاد أو التشهير بالغير لإثبات انه الأفضل
وغيرها وغيرها من الوسائل
لكن تعالوا هنا يعني أيه شر؟
كلمه الشر أو فعل الشر أو تعريف الشر احتار الفلاسفه وعلماء النفس في تحليل وتفسير موضوع الشر
وخصوصا السؤال اللي دايما بيسألوه :
• الناس اللي بتفكر كتير في الأشياء الكونيه والروحانيات
• الناس اللي حصلت لهم ظروف قاسيه وأصابهم الاكتئاب
ربنا اسمه الخير إزاى راضي بالظلم والشر اللي بيحصل في العالم
دا
ازاى والأخ بياكل أخوه
والناس بتقطع بعضها
السؤال دا بيتسأل كتير كتير كتير
من الناس اللي بتفكر كتير والناس اللي اتعرضت لظلم وصدمات فأصابها الإكتئاب
السؤال دا ديما بيدور في دماغهم ولو اتجرؤا شويه بيسألوه
وطبعا بيكون رد فعل الأخر على السؤال دا … أنت هتكفر يا جدع
الرد تلقائي من غير ما ندور على الحل واننا نعرف ان فين المشكله بجد
• مشكله الشر
و
• مشكله تقبل وجود الشر وموجهته في حياتنا
ماهو لو انت تقبلت وجود الشر في حياتك هتعرف تتجنبه او يكون رد فعل مناسب علشان تمنع الشر عنك
ربنا بيسيب الناس تعمل الخير وتعمل الشر والناس اللي بتعرف تدافع عن نفسهم والناس اللي مبتعرفش تدافع
علشان يكون في ثواب وعقاب
عارفين نحن من نصنع ونزيد الشر بداخلهم
أحنا بنتولد والخير والشر جوانا وأحنا برده اللي بنحدد ايه اللي هيتحكم فينا الخير ولا الشر
بنتحكم ازاى ؟
بالأخلاق
والأخلاق بتيجي منين ؟
من التربية
والتربية بتيجي منين ؟
من الأهل
والأهل بيعملوا ايه ؟
بلح
ازاى؟
كل الأهالى عايزين ولادهم طيبين وخيرين وحلوين وطعمين
لكن الحقيقيه الأهل بيتقسموا لتلت أقسام
• أهل عايزين أولادهم كويسين لكن هما أهل ولاد ستين فى سبعين فأكيد العيال مش هيطلعوا ملايكه أكيد الحدايه مش هتولد سيامى مثلا لأ خالص هتولد شرير في حجم التنين بس …. هتولد واحد يطلع تلاتين اللي خلفونا ومش بس كدا دا هيولد أشرار كتير يتكاثروا ويتوغلوا علشان يقرفوا أهلينا ويزودوا الكوارث في الأرض
• أهل طيبين وربوا أولادهم طيبين لكن سهى عليهم أو معرفوش يربوهم أزاي يوجهوا الشر أو يجتنبوه فالأولاد اتربوا على الطيبه لكن أول ما وجهوا المجتمع وأول ما حتكوا بأول شرير على عندهم الحس الانتقامى ونيموا الخير جواهم
• وأهل قليلين جدا اللي بيربوا أولادهم على المواجهه على أنهم يكون ليهم شخصيه انهم يتعلموا أنهم يقولوا للغلط لا أنهم يدافعوا عن نفسهم ضد أي خطر
هواستخدام الارهاب … دا مش شر ؟
هو استخدام العنف … دا مش شر ؟
هو استخدام الابتزاز … دا مش شر ؟
هو استخدام التشهير … دا مش شر؟
الشر من الشيطان ولكن من شيطان الانس
مش مهم القطة بيضه ولا سوده المهم انها تاكل الفار
مش مهم انت خيير ولا طيب بنسبة كام في الميه المهم انك تتغلب على الشر اللي جواك
وعلى فكره عمر الناس ما هتدخل الجنه بالتظاهر بالدين والطيبه
الدين والطيبه والخير خليهم لحسابك مش لحساب المنظره
الشر ما بيفدش حد …..
الشرير ساعات بينجح في أداء دوره على أكمل وجه
ولكن
علشان الطيب يتغلب على الأذيه لازم يتعلم :
• أن الحياه شبه العمليات الحسابيه بالظبط ممكن تبقى صعبه لكن أكيد بتتحل
• لازم مواجهه الشر وتجنبه وازاى دا يحصل
– ننمى في أولادنا الذكاء الاجتماعى علشان يتجنبوا الوقوع في فخ الشر ومصايد الأشرار
لو الشخص كبر ووقع في فخ ومكائد الأشرار ودخل في دايرة
– الاكتئاب
– كره المجتمع والناس
– فقدان الثقه في كل حاجه واي حاله
– بقى عرضه انه يتحول لشرير
وخلي بالكم ربنا يكيفنا شر الطيب لما يتحول ويبقى شرير
مع الشخص دا :
لازم يظهر دور :
– المقربين ليه انهم يطمنوه ويرجعوله ثقته في نفسه وفي اللي حواليه
– دور الأعلام والمعالجين النفسين وأخصائين تعديل السلوك أنهم يقوموا بدورهم بتوعية الناس وأعادة ترميمهم من الانتكاسه
– دور أهل الدين أنهم يقوموا بدورهم في التوعيه الدينيه ومنع أي شخص غير مؤهل يتكلم في الدين منعا لانتشار الفتن وزرع الأخلاق اللي بجد مش مجرد كلام على ورق
مش مهم أنت مسلم ولا مسيحي ولا يهودي المهم أن يكون عندك أخلاق
مش مهم أنت متعلم ومش متعلم المهم أن يكون عندك أخلاق
مش مهم أنت غلط المهم انك عرفت غلطك محدش معصوم من الغلط المهم أنك ندمت وعدلت أخلاقك وبقى عندك أخلاق
مش مهم أنت فقير ولا غني المهم أن يكون عندك أخلاق
مش مهم القطة بيضه ولا سودة المهم انها في النهاية هتاكل الفار
ياعزيزي كلنا أشرار ولكن بأخلاقنا هنتحكم في شرنا …..

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *