كفتة الفراخ مع الارز الأصفر وصفة شهية اضيفها للمائدة الرمضانية

كفتة الفراخ الرهيبة مع رز المطاعم  الأصفر بكل التركات احلى من افخم مطعم وتحدي تقديم / شيف سارة رجب

فيديو الوصفه للي يحب يشوف الكفته بالتفصيل والرز

الطريقه كتابه للي معندوش قدره يشوف فيديو
المقادير… Sara Ragab
كيلو الا ربع من الفراخ المفرومة
بصله كبيره مفرومه مدعوكة ملح وفلفل ومعصوره نسيب الميه ع جمب ف طبق هنستخدمها
3 معالق كبار بقسماط
ملح وفلفل وبهارات مشكله…بابريكا …كسبره ناشفه… كاري… كركم… رشه خفيفه توم وبصل بودره… نص معلقه من بهارات المشويات من إسناد
و المكون السحررري ال هيديها نكهة وهميه 3:4 ورقات من الكرفس المجفف

الطريقة… Sara Ragab
نحط كل المكونات ع بعضها و نظبط الملح وندخلها التلاجة نص ساعه تتبل لو وقتك يسمح… نشكلها كل صابع كفته بصبعه ع 3 عصيان خشب عشان يدي تجويف أوسع وتستوي اسرع وتفضل طريه…

التسويه… Sara Ragab
ف طاسه سخنه جدا بمعلقه زبده وزيت هنزل بالاسياخ تتشمع كويس و تاخد لون م تحت اقلبها والنار لسه عاليه لما تاخد لون م الجهة التانيه هغطي

الرز البسمتي الأصفر بطريقة المطاعم..
2كوب رز بسمتي منقوع نص ساعه
3 كوب ميه مغليه
ملح ومكعب مرقه
2قرنفل
فص حبهان
ربع معلقه صفار الزعفران مدرب ف معلقه ماء كادي او ماء الورد اختياري بس هي دي تركات المطاعم..

ف حله ع النار نسخنها بمعلقه كبيره زبده و 4معالق زيت ونقلب الرز خمس دقايق لما يسخن جدا ننزل بالميه ومكعب المرقه والحبهان و القرنفل و نظبط اللون حسب الرغبه لما يتشرب نهدى النار شمعه يستوي