” كلام من القلب ” أبني زعلان من المدرسة

النهارده… جالي بدري

جالي بدري…. كان زهقان

قولتله….. مالك يا عمري

قالي ماما اللي بيحصل فيا….. حرام

النهارده خامس يوم…… دراسة

واللهي….. أنا محتاس

لا عارف أكل…… ولا أنام

من كتر الدروس….. كده حرام

ولا الميسات في مدرستنا….. حقيقي في الحياة كرهتنا

واجب كتير….. وكل واحدة مالهاش دعوة بالغير

وأنا في النهاية……. الضحية

بكتب…… كتير….. كتير

من غير ما أفهم…… ولا تعبير

هو التعليم….. دش وخلاص

ولا فهم….. وعلم يا ناس

فهموني…… أصلي صغير

بس اللي أقدر أقوله…….. أنا محتاس

نفسي أرجع من المدرسة….. أكل وأنام

بعدها….. أعمل دروسي

ويبقي فيه شويه ليا…… كده حرام

نفسي ألعب…. حتي لو عشر دقايق يا ماما

والله يا أبني….. ما عارفه أقولك أيه ؟

مش عارفه….. هما بيعملوا….. كده ليه ؟

فاكرين الدراسة إيه ؟

أصل هما لو فاهمين

معني تدريس….. بني أدمين

مش هايبقي….. الدش ده

ولا كل الواجب….. ده

هايبقي الإعتماد….. علي الفهم والتدريب

بس أقول أيه…… ما هو تعذيب

رسالتي ليك….. سيادة الوزير

لازم…….. تغيير

نفسي أبني…… يحب الدراسة

نفسي المدرسين….. يبقوا فاهمين

يعني أيه….. طفل صغير ؟

ويعني أيه أصلاً دراسة ؟

وإن الواجب…… حرام يبقي كده

ليه….. كل ده ؟

علموهم…. فهموهم….. حببوهم في الدراسة

علشان لما يكبر ما يحصلوش….. إنتكاسة

ويبقي كاره……. كل حاجه

مش كاره……. بس الدراسة