الرئيسية خواطر ” كلام من القلب ” أنا نجمة في سماء الكون

” كلام من القلب ” أنا نجمة في سماء الكون

moda 3269
” كلام من القلب ” أنا نجمة في سماء الكون
واتساب ماسنجر تلجرام
بقلم/ نسرين نبيل
“رصـــد الـــوطـن”

يا دنيا كفاية تعبتيني

وجعتيني وأنا إنسان مافيش عندي غير الإحساس

ماليش إني أملك رضا الناس

هما بقوا وحشين من غير سبب كده وخلاص

وهي أيام وبتعدي

وبننسي أننا ما هانعيش كتير يا ناس

ماهو مهما قضيت فيكي سنين وسنين

مسيري برده للتراب وخلاص

وما يفيدني غير عملي

وما ينفعني شيطان وسواس

يا دنيا مالك ناسك بقوا كده ليه ؟

بقوا وحشين أوي ليه ؟

سنيني مش معدية وأحلامي ماهيش هي

ونظرتي بقت تشائمية

بس لأ والله

هاعدي ولا هاسمح لحد يقف ضدي

في أحلامي وطموحاتي

ومهما قابلت ناس واطية هاكون أعلي

علشان الدنيا عمرها ما أدت في يوم واطي

ما تزعلش يا قلبي علي ناس واطية

هما كده في الأساس يجيبوا العلو منين

بقيت ماشية خلاص بالمسح

ماهم مسخ ماهم فاضيين

ده ياخد علي راسه وده دايما يقوله آمين

ما هوش طبعي ماهوش طبع المأصلين

وعمري في يوم ما هاتملق

ولا أسمح لحد يهيني وأقوله آمين

يا ناس ده الرزق عالخالق

كرامتك أغلي من كل التانين

لكن نقول يا ناس لمين

لواحد فاضي من جوه

ما هو حاسس إنه مالوش لازمة

ما هي الأزمة في أنه فاضي من جوه

بيكره نفسه وكمان بيكره الناجحين

وأنا هافضل كده نجمة في سماء الكون

وطول ما أنا صح ربي هو العون

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *