الرئيسية خواطر ” كلام من القلب ” قالوا ديه بنت

” كلام من القلب ” قالوا ديه بنت

moda 2175
” كلام من القلب ” قالوا ديه بنت
واتساب ماسنجر تلجرام
بقلم / نسرين نبيل
“رصـــد الــوطـن”

قالوا عليكي ….. كلام كتير
مش فاكره ….. ولا حاجه منه
قالوا ديه بنت …. في أول ما اتولدت
يا ريتها كانت واد …… وشالت أسمه
ولما كبرتي …. قالوا ديه بنت
وهمها ….. جامد تقيل
لما تروح وتخرج …… يبقي حملي كبير
ولما جيت أشتغل …… قالوا ديه بنت
شغلها قليل …… ومجهودها علي قدها
ما تقدرش تعمل …… حاجات كتير
ولما فاتني قطر الجواز ….. زي ما بتقولوا
قالوا يا عيني ….. ديه بنت عانس وحمل علي أمها
ولما يجيها فرصة ….. تحمد ربها
لأنها عانس …… يعني بالجزم تنداس
ولما ربي ستر ….. وأتجوزت
واتأخرت ….. في الإنجاب
قالوا حرام ….. ديه عاقر
أتجوز …. عليها خلاص
فاض بيا ….. من كلام الناس
أصحوا وفوقوا ….. بقه
دا أنا اللي تحت رجلي …. الجنة تطولوها
يا رب ديه …… قسمتي
أعيش في مجتمع ….. غريب الفكر والأطوار
من يومي مظلومة ….. لأني بنت
وصدقوني البنت …… دلوقتي
أجدع من ميت ….. راجل خلاص
اوعوا تقولوا ….. ديه بنت
لأ أنا بنت ….. بميت راجل
في مجتمع ….. خباص
أقدر أطول ….. كل شيئ بإيديا
وأشوف بيتي ….. وبرده أشتغل
وأعمل اللي ….. عليا
أنا طول عمري …… طموحاتي وقدراتي قوية
بس في مجتمع …. يقدر يفهم ويقدر الإحساس
وإني أكون بنت ….. ده شرف ليا
يا رب تفهموا بقه ….. يا ناس

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *