كيك الرواني كيك سهل وسريع مقدم من شيف هدير علام
كيك الروانى 🥮َمقدم من شيف /هدير علام
كح كيك الروانى أو كيك السميد
كيك تحفه جداا وخفيف ومعظمنا بيحبه طريقته سهله جدا وسريع وشيك لضيوفنا وحلو جدا مع كوبايه شاى بلبن كده للفطار
يلا نقووول المقادير والطريقة
كوب ونص دقيق فاخر
كوب سميد “دقيق البسبوسه”
كوب جوز هند مبشور ناعم
كوب سكر ناعم
٣بيضات
كوب زبادى “مش علبه لااا كوب اللى هو تقريبا علبتين”
كيس كيك شيف
رشه فانيليا. رشه ملح
تلات ارباع كوب زيت
فى بوله هنحط السكر والدقيق والسميد وجوز الهند والكيك شيف ورشه الملح نقلب حلووو بمعلقه وفى الخلاط هنحط الزبادى والبيض والزيت والفانيليا نضرب حلووو جدا وننزل بيهم على المكونات اللى فى البوله نقلب حلو وننزل بالخليط كله فى صينيه مناسبه تكون مدهونه زيت كويس وندخل فرن سخن على ١٨٠ لمده ٢٥ دقيقه
تطلع نسقيها بالشربات البارد والكيك سخن ونزين بجوز هند وبالف هنا
مكونات الشربااات “كوب سكر . كوب ميه . عصير نص ليمونه
نحطهم ع النار واول مايغلو غلوتين نطفى ونحط رشه فانيليا ونسيبه يبرد تماما
ان شاء الله الوصفه تعجبكم جربووووها حلوه اوووى بجد
اترك تعليقا