لسفرة رمضانية مميزة أضيفي طاجن اللحم المكرمل.. إليك المقادير والطريقة بالفيديو

طاجن اللحمة بالبصل المكرمل.. مقدم من / شيف سارة رجب

حرفياً القطمه من الطاجن ده تضرب ف النفوووخ تعدل المزاج وعيونكم تطلع قلوب من فرط اللذه

المقادير …Sara Ragab
لحمة تكون صغيره ف السن .. متقطعه مكعبات وسط لتتبيل اللحمة
بصله
طماطمة
حته شطة خضرة لو بتحبي الحامى او فلفل اخضر
3معالق كبار زيت
رشة سكر
ملح وفلفل و بهارات ورشه قرفه وجنزبيل ورشة كبابه صيني
معلقه صغيرة مستردة
عصير نص لمونة
معلقه كبيرة خل…

الطريقة /

كله ف الخلاط او كبة و تتبليها من بالليل(يفضل) و تشيليها ف علبه تلاجة وتانى يوم سخنى طاسه جدا جدا جدا ومعلقه سمنة ع زيت و شوحى اللحمة عشان تسدى المسام وحطيها ف صينيه …و ف نفس طاسه تحمير اللحمة ننزل بشويه زيت و ٤ بصلات كبار متقطعين جوانح زى الشاورما مع رشه ملح و نص معلقه سكر و رشه فلفل لحد ما تدبل خالص ننزل معاها ب كوب ميه او كوب ونص ياخدو غلوتين تلاته و اصبهم ع اللحمة وغطيها بفويل وتدخل فرن سخن ع الصاجة عشر دقايق ربع ساعه و بعدين اطلعها ع الشبكة الرف الوسط براحتها لحد ما تستوى شيلي الفويل و شغلي الشوايه حمريها  Sara Ragab

ملحوظة لو مستخدمين بورسلين او بايركس ممنوع يتحط ع الصاج ف الفرن… نقدر نعمل كده مع الألومنيوم و التيفال و الفخار فقط

الفيديو 👇🏻