ملكوت جمالك
الشاعر/وائل سويدان
بتنسمك وبقسمك
وأخاف لعودى يئلمك
وأهرب من العالم ساعات
وأبات ودمعى بيرسمك
قالوا الحلاوه فـِ الفرات
والشهد أصله مبسمك
والدمع على خد النايات
أمرنى أمر أستطعمك
ملكوت جمالك لما فات
ماقدرش شعرى يفهمك
وإستسلمت كل اللغات
واتبسمت ماأظلمك
وإنتِ قصيدة أمنيات
دخلت حروفى جهنمك
ياصوفيه مش عن جلد ذات
وحوريه ماأقدرش أحلمك
ياجامعه كل الفلسفات
اجرمت إنى بعظمك
وبسأل الله الثبات
ادعى إنتِ ربى يرحمك
ســــــــ وائل ــويدان
اترك تعليقا