الرئيسية صحافة المواطن بالمستندات…مواطن عاوز ابنى بيتى اللى هيقع علينا و استغيث من تعنت المجلس المحلى بكفر صقر

بالمستندات…مواطن عاوز ابنى بيتى اللى هيقع علينا و استغيث من تعنت المجلس المحلى بكفر صقر

moda 1471
بالمستندات…مواطن عاوز ابنى بيتى اللى هيقع علينا و استغيث من تعنت المجلس المحلى بكفر صقر
واتساب ماسنجر تلجرام
متابعة / سها البغدادى 
” رصــــد الــــوطــــن”

يقول المواطن أ . ى : مشكلتنا مع المجلس المحلى بقرية حانوت كفر صقر شرقية . موضوعنا محلى ودى مشكلة الالاف من المصريين مع المجالس المحلية والتعنت اللى بنقابلة منهم المجالس دى المفروض انها لخدمة المواطنين والتسهيل عليهم انما عندنا العكس مشكلتنا تتلخص اننا عندنا منزل قديم مبنى من 40سنة بالطوب الرملى وايل للسقوط فى اى وقت ومسنود باخشاب خوفا من سقوطة على المارة بالشارع وخوفا على اطفالنا من انهيارة فوقهم طلبنا من المجلس المحلى بحانوت يعطينا ترخيص هدم وبناء رفضوا بحجة اننا نجيب ترخيص من الزراعة واخدنا من الزراعة جواب ان المنزل مش من اختصاصهم لوقوعة فى منطقة سكنية وليس بجوارة اى ارض زراعية ودة بعد معاينة الزراعة ومعنا ورق بكدة بردك رفضو ا وقالوا لابد من ترخيص الزراعة طيب بتوع الزراعة قالو مش من اختصاصنا والمجلس المحلى رافض يعطينا ترخيص بالهدم نعمل اية كتبنا شكوى لرئيس مجلس مدينة كفر صقر بعت لهم يعطونا ترخيص بالهدم رفضو بحجة اننا لازم نمضى على تعهد بعدم البناء الا بعد ترخيص الزراعة يعنى نقعد فى الشارع مثلا وممتلكاتنا من مواشى وغيرة نرميها فى الشارع ولا اية الحل انا بعتت المشكلة لصحفى كفر صقر ونشروها على الصفحة واخدت تفاعل ناس كتير لانها مشكلة الكثيرين مع المجالس المحلية وكان الاغلبية من الناس تقول بالمعنى شخلل جيبك واحنا رافضين المبدا وهو الرشوة نعمل اية نحل مشكلتنا ازاى نرجو من حضرتك تصعيد الموضوع .

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *