نجرسكو بطريقة أشهر المطاعم المقادير والطريقة… Sara Ragab

نجرسكو بطريقة أشهر المطاعم
المقادير والطريقة…مقدمه من شيف / سارة رجب

Sara Ragab
مكرونه اسباجتي مسلوقه
لتتبيل الدجاج… نص كيلو صدور دجاج مقطعه زي الشاورما و نتبلها بعصير نص لمونه ومعلقه كبيره خل و ملح وفلفل و بابريكا و كسبره ناشفه وتوم وبصل بودره و كاري…
و ف طاسه سخنه جدا ننزل بمعلقه زبده ع زيت و عليها الدجاج و نشوح ع نار عاليه لما تستوي

نشيل الدجاج ف طبق ع جمب و ف نفس الطاسه ننزل بمعلقتين زيت وبصله مبشوره مدعوكة ملح وفلفل تدبل ننزل بفلفل الوان وممكن ماشروم ودره حلوه حسب المتاح عندك… تقليبتين الخضار يدبل ننزل بالدجاج مع و نقلبه ونطفي وكده جاهز…

البشاميل… ف طاسه ننزل٤ معالق كبار زبدة تدوب انزل عليهم ٤ معالق كبار دقيق لازم الخليط يبقى كريمي بدون تكتلات وننزل بكيلو حليب الا كوبايه… وعليه كوب كريمه طبخ مع التقليب المستمر ع نار هاديه لما يبقى وسط القوام ننزل بملح وفلفل ورشه جوزه الطيب وكده جاهز….

ف بايركس مقاس ٢٨ ننزل بمغرفه بشاميل ف قاع القالب وعليهم نص كميه المكرونه و مغرفتين بشاميل و ننزل بالدجاج وعليه بقيت المكرونه وعليها بقيت البشاميل وتدخل فرن تلت ساعه يكون سخن جدا نار وسط فرن و شوايه لما تتحمر نطفي الشواية