” كلام من القلب ” قالوا النهارده عيد الحب قال ؟
آخر تحديث: 14 فبراير، 2018
بقلم / نسرين نبيل
“رصــد الــوطـن”

قالوا النهارده عيد الحب قال ؟

ضحكوا العيال جريوا علي محلاتنا الجميلة

وأشتروا الورود والدباديب الخطيرة

والله هم يضحك وهم تاني بيخليني أبكي

نفسي أشوف الحب نفسي

طب حب إيه ؟ وإزاي بيحتفل العالم بيه؟

وسط أطفال في سوريا من الكيماوي بتتحرق

وشباب فلسطين أراضيهم بتتسرق

ويمن وليبيا ودول كتير

راح الأمان ما عدش خير

ومصر واقفة بتتحدي الظلام

ويروح خيرة رجالها كل يوم

من جيش وشرطة علي إيد إرهاب خسيس

قابض رخيص

وعيال بتتيتم ستات بتترمل

وأمهات بتبكي بدل الدمع دم

مش ده المهم .. المهم عيد الحب يجي

نجري ونضحك وما نحسش ببعض

ونجيب ورود حمرا دم

ودباديب بتضحك وإحنا في هم

فوقوا يا ناس .. أوعي تضحك وغيرك بيبكي

المهم هو المهم إحنا في حزن وألم وهم

بس برده في حب طبعا

خلي طفل يتيم بيضحك ده الأهم

خلي أم يروح عنها حزنها نسيها هم

المهم هو المهم إننا لازم نحب بعض

بس بجد مش هزار

حب حقيقي من غير إستهتار

المهم هو المهم حاول تنسي الناس الحزن والمرار

إدي الفقير خليه يحس إن الدنيا لسه بخير

والحب طبعا موجود في كل وقت وكل دار

رغم المرار والحزن والإنهيار

لسه فيه حب بجد

بس مش بوردة حمرا ودبدوب وقلب

قالوا النهارده عيد الحب قال ؟

قولت يا ريت العالم يعرف معني الحب إيه؟

يعني لا فيه ظلم ولا إستبداد

وفيه عدالة بين العباد

هو ده الحب .. اللي أتربيت عليه.