غياب قهري
آخر تحديث: 4 مارس، 2018
بقلم / عبير أحمد
“رصـــــــد الوطن”

وهموني إنك في سلام
وعشت جواكي كل الأحلام
سنيين والوهم بيكبر فينا
وبنغنيله مصر اليوم في عيد
طلعت الكدبه مش في واحد
لا دي طلعت في 25 ابريل
طب 73 ماتوا ولادنا فيها ليه؟؟
عشان نربي في صحاريها حرابي وتعابين
ولا نعمر ونسيطر لأن عليها العين؟!
من كتر عرسانها بارت ده اللي لسانكوا بيهلل بيه
عنستوها قبل الكحل ما يخش العين
وصلبتوها بالعااار ورجعتونا من اول 67!
هنعمل مجد جديد امتداد 73
غيبتوا ليه ولادي دي النجس خطي البيت
كام حلم اتولد؟ وكام حلم اتوئد؟؟
وسلامي للي راح واللي جاي !!!!
ده الضني غاب عن النني والضي
كلنا رايحيين والدنيا بحالها مفارقين
فارقنا الروح واحنا عايشيين
وفارقنا شباب كانوا جوه جناينك مزهرين
دبل زهرك ومات فرحك وزلزل ثباتنا بركان غضبك
بالله عليكي يا بلادي ترجعيني لترابي
ده انا لما فديتك اديتك روحي وفوقيها ولادي
نكست بابي واعتابي ومستني فرح يدخل من بابي
يشبكني بكفن كل خسيس قتل فيكي سلامي
ويرفع راسي ويقولي هما دول ولادي
رجعولي حق ابويا واخويا وابني وعمي واحفادي
خطي برجلك اليمين يا عروسة وسمي
ده الفرح غايب من سنين عني ودي كانت وصيه ابويا وامي
هو إنتي كنتي فاكره إيه يعني ؟؟
ده علي كل دمعه بتنزل منك بيتولد كل يوم راجل
راجل يشيل وراجل يدير وراجل يحارب ويصون المحارب
وانا في السكون ما كنتش غايب.. ده قدر عالمؤمنين لكن الله بينا غالب