اليكي طريقة الفراخ المشوية على الفحم مثل المطاعم
الفراخ المشويه مقدمة من / شيف هدير علام
من غير فرن ولاشوايه وطعمها احلى من بتاعه براااا
المقادير :
فرخه هنقسمها اربعه او زى ماهى حسب الرغبه أو نقطعها بالطول من عند الرقبه من ورا بيبقى شكلها حلو
هنغسلها حلو اوى زى مامتعودين “ملح ودقيق ونشطف وبعدين ملح وخل نسبها حبه ونشطف”
نحطها فى بوله ونحط عليها
بصلتين كبار مبشورين
علبه زبادى
ملح ومعلقه كبيره فلفل اسود. رشه صغيره جوزه الطيب
معلقه صغيره بهارات مشكله او السبع بهارات
فصين حبهان . عصير ٣لمونات
الطريقة :
نقلب كويس اوى و ننقعها اقل حاجه ساعتين ويفضل ننقعها قبلها بليله وممكن تتبليها كده وتشيليها فى الفريزر تطلعيها فاى وقت على التسويه ع طوول
بعد كده نفضى الفرخه بالتتبيله فى حله وع النار على الهادى لحد ماتستوى “ساعه لو بتاعه انهارده . ساعه الاربع لو من قبلها بيوم او اكتر ” ومتزودوش اى سائل هى هتستوى منها فيها على النار الهاديه
استوت نجيب طاسه بقى نحط فيها زيت مش كتير اللى هو يعدى سطح الطاسه بحبه “زيت مش سمنه علشان بيدى لون احلى للفرخه” وطبعا يكون زيت نوع كويس دره أو عباد علشان مايسبش طعم مش ظريف
نسخنه حلو وننزل بالفرخه تتحمر وتاخد لون حلو كده
تتحمر ونرجع بيها تانى للحله اللى سوناها فيها نجيب فحمه صغيره ع النار تولع حلو ناخدها نحطها على قطعه فويل ونحطها فى الحله “نوسعلها مكان كده وسط الفرخه ” وننزل على طرف الفحمه بنقطتتين زيت هنلاقى دخان الفحمه طلع نغطى الحله بسرعه ونسيب الفحمه جوه لحد مالدخان كله يخلص
وممكن تحطو عيش بلدى على الحله من فوق بدل الغطا علشان هو كمان ياخد ريحه الفحم
طلعو الفرخه ورصوها على بقدونس وكلووو احلى فراخ مشوووويه بريحه الفحم من غير فرن ولاشوايه
ونسيت اقولكوووو حبه الصوص اللى طلعو من الفرخه احلى من الفرخه نفسها خدوووه فى طبق مع رغيف من اللى خد ريحه الفحم
وبالف هنا
اترك تعليقا