اميره علوان:- تكتب/  أصل الحكايه

اميره علوان:-

تكتب/

أصل الحكايه

حكاية عنيه

وأنا بعنيا كمان بلاغيه مش عارفه إزاي دا حصل وليه يكونش دا إللي بيقولوا عليه دا إللي إسمه إيه ولإمتى هيفضل يلاغيني ولاغيه ومفيش حد فينا بيتكلم طاب يبقى ليه قربت أحط صوباعي في عنيه معرفش إيه بيحس بيه ولإمتى هيفضل بيخبي إللي في قلبه الكلام إللي بتقوله عنيه طاب ينفع كدا بئه يا إسمك إيه حتى إسمه بيهاديني بيه بسلام النيه وسلام عنيه إسمه ده رمز السلام

وعشاني بيهديلي الجو الغايم حواليا ماهو أصله عارف إن كلهم عليا

ولإمتى ساكت وأنا ساكته وإمتى يجي اليوم ويقولي على كل إللي مخبيه عني

بصراحه أنا مش عارفه عنه غير إسمه وشكله وغموضه إللي غالب عليه وسكوته إللي مقويه وبحاول كل أما أشوفه أقرا كل إللي مخبيه من سكوته وحركاته وكلام عنيه تفتكروا قاصد ولا مش قاصد وأنا واهمه نفسي إنه زيي حاسس وأنا يعني منه هعوذ إيه غير إن كل يوم بس أشوف عنيه وأديني عايشه إحساس وحدي وأنا يعني ولا بإيدي يعني هعمل إيه

خايفه في يوم يودعني ومش عارفه وقتها هتعدي أيامي إزاي يكونش دا إللي إسمه إيه واللي الكل بيقول عليه وإللي منه كله إنكوى تفتكروا هيجي اليوم ويتكلم ويقولي على كل إللي قريته في عنيه فاكراه بيني وبين نفسي ومش بإيدي أمنع أنا نفسي

ما هو إحساس وصلني مبسوطه وسعيده بيه من يوم ماشوفتك مابقيتش أشوف أي حد حتى لو عنيه جات في عيني

على فكره صدقني لولفيت الدنيا لف ماهتلاقي فيها زيي ولا كوبي ولا حتى أصل غير عندي

أنا أصلي قيمه وسيما ووظيفه ميري أنا عن نفسي مش هاسيبك خلاص خبيتك في قلبي وعقلي وسكنت جوا العين والروح سجين محبوس ياعيني طيب إهرب كدا جرب شوف وريني إبعد وأنا لأبعد حد هفضل واخده الموضوع على محمل الجد ده الليل زهق مني وأنا طول ليلي سهرانه وبغني عن شوقي وحنيني عندي سؤال ومش عارفه أقوله ولا إيه

ولإمتى هتفضل كدا ساكت

ياعم الباشا مترد

يا بيه عموما الإنكار مش هايفيدك ولا حتى الإعتراف ودي كانت أصل الحكايه حكاية عاشق صامت غامض كانت فضحاه عنيه