الرئيسية تحقيقات ” براءة على نار هادية ” فحق الرد مكفول”

” براءة على نار هادية ” فحق الرد مكفول”

moda 5753
” براءة على نار هادية ” فحق الرد مكفول”
واتساب ماسنجر تلجرام
كتبت / سوزان هاشم 
“رصــــد الـــــوطـــن “

فى ظل الاجراءات البطيئه للحصول على الحق والبراءه من الادعائات الكاذبه واصبح إعلامنا يلعب على اوتار حساسه تسيئ لاعراض البعض ومشاعرهم والتشهير بهم من اجل زيادة المشاهده والاعلانات فهل مشاعر الاخرين سلعه للكسب ” هكذا هو الكسب الغير مشروع”ونسينا ان ( المتهم برئ حتى ان تثبت ادانته) .

فقد تم تناول قضيه بعنوان (زوج يتاجر بصور زوجته عاريه على الانترنت )وهكذا كان عنوان احدى حلقات برنامج ( صبابا الخير) لمقدمته “ريهام سعيد ” التى دائما ما تتحدث عن “ˌpräpəˈgandə” بروبجاندا ف عام 2015 بظهور الزوجه بالبرنامج وسردها لعده اتهامات لزوجها.

مما جعل الزوج/ حاتم شوقى الحصرى بعد سجن عام والبراءه الهادئه ان يسعى لاثبات حقه من تشهير واهانه وسجن عام بدون ذنب وبعدها انكشفت الحقائق بالدلائل والاوراق والمحاضر واقلع الستار على طليقته التى ادعت عليه ببرنامج ” صبايا الخير ” بظهوره ببرنامج ( صرخة مظلوم ) للاعلامى” أحمد غنيم . بحضور وتعليق المستشار/ رائد أبو السعود المحامى بالنقض.
ثم لجأ لنا من ضمن احدى المحاولات لكى تصل صرخاته لمن قام بتشويه سمعته ورد كرامته من التشهير ال سبب له اذمه نفسيه وقام بسرد حكايته لنا قائلآ؛؛

اتجوزت “ريهام ابو زهره ” المقيمه فى قرية زرقان المنوفية كتبت الكتاب بتاريخ 6/3/2013 وتم الزفاف بتاريخ 22/9/2013 وقضينا مدة 18 يوم فى شقتنا وامى دخلت المستشفى القصر فى شبين الكوم تعمل عملية قلب مفتوح وقعدنا معاها فى المستشفى انا وزوجتى فترة 7 ايام ورجعنا قضينا فى بيت اهلى 5 ايام نظرا للظروف اللى كنا فيها نفضل طول اليوم فى البيت ونروح الشقه بالليل وفى اخر يوم بتاريخ 21/10/2013 كان عيد ميلادى عملتلى عيد ميلاد وجابتلى هدية وكنا كويسين جدا تانى يوم الصبح كلمتنى صاحبتها على الفيس وطلبت منى الرقم بتاعى عشان عاوزه تتكلم معايه فى موضوع مهم واتصلت بيه وقالتلى ( تعرف ان ريهام مسجلة دعارة وانها كانت مسجونه فى سجن القناطر وانها مش بنت وكانت عامله عملية ترقيع وكانت حامل وعملة عملية اجهاض وكانت بتطلع اوردرات ومشغله ناس فى الدعارة بأمارة المشاكل اللى بينكم وحكتلى مشكله حصلت بينا وانها كانت دايما تكلمها وتقولها انا هستحمل لحد لما اخد الرخصه بس ) سمعت كده انذهلت من اللى انا سمعته لكن انا جبتها وحكتلها اللى حصل لكن المتوقع انها تنكر فى البداية بحجة ان فيه خلافات بينها وبين صديقتها وحصل ما موجود بالفيديو .ببرنامج “صرخه مظلوم “تانى يوم كلمتنى مراتى على الفيس وبعتت لى رساله انا صورتها وهبعتها.
وتابع ،بعد يومين وانا فى بيت اهلى اتصلت بيه حماتى بتطلب منى انى اروح الشقه لانها هناك وبالفعل روحت لقيت (طليقتى واختها وامها) وفتحتلهم الشقه ودخلوا لقيتهم بيجيبوا شنطه وبياخدوا لبس انا رفضت وقولتلهم مافيش حاجه هتخرج من هنا الا لما ابوكى يجى وقفلت باب الشقه من جوه بالمفتاح وحصلت خناقة بينا زى ما قولت بالبرنامج ايضا .والناس قالولى اطلع على القسم اعمل محضر سمعوا كده راحوا ورايه يعملولى محضر، وعملت المحضر واتقيد برقم 5038/2013 بتاريخ 25/10 لكن الناس ضغطت عليه علشان اتنازل وبالفعل اتنازلت
تانى يوم اتصلت بيه هيه وامها بتهددنى بوصلات الامانه انى لو فتحت بوقى او قولت لحد او ماخدتش العفش بتاعها كامل هتشتكينى بوصلات الامانه اللى معاهم ووصلات الامانه انا كنت كاتبها ضمان للمعيشه وجه وقت الشئ وظهرت الحقيقه فى نفس اليوم بالليل انا قررت انى اخد الفيس والاميل بتاعها وبالفعل خدتهم وقريت الرسايل واتذهلت من اللى بشوفه على طريقة كلامها مع اصحابها ومع الناس اللى بتكلمها وبيتفقوا يتقابلوا فى شقق ولقيت واحده صاحبتها فاتحه انا كنت اعرفها اسمآ ومن الرسايل اللى قرأتها وكلمتها على انى ريهام وحكيت لها اللى حصل بان صاحبتها اتصلت بحاتم وقالتله ان مش بنت لكن صاحبتها اللى بكلمها على انى ريهام طليقتى ماعرفتهاش اننا اتجوزنا فقولتلها ان حاتم عاوز يودينى عند دكتور يكشف عليه ردت عليه صاحبتها بتلقائيه “وقالتلى وانتى عملتى العملية ولو روحتى لدكتور هيعرف انك عامله عمليه ومش بنت ”
وبكده اصبح كلام صاحبتها فعلا كله حقيقه
وبعد كده انا سيبتها ومسألتش فبها لمدة 4 شهور ولقتها اشتكتنى بنفقه وباعتالى انذار وبتقول فيه
ان انا امتلك محل للموبايلات ودخلى الشهرى 20 الف جنيه
وكمان اشتكتنى بوصل امانه من اللى كانوا معاهم واتقيد برقم 51/2014 جنح تلا
طلعت طليقتى مع ريهام سعيد بتقول انها رفعت عليه قضية طلاق لكن الكلام ده كدب مافيش قضية طلاق
دورت على الناس الكبيره فى بلدهم قالولى فيه واحد اسمه “السيد نصار” روحله ورحتله لقيت فيه كتير من البلد هناك وطلبت منهم اننا نعمل جلسه عرفيه لكن ماقدرتش احكى سبب المشكله المهم ان اتحدد جلسه عرفية واخدت ناس من بلدى ومنهم الناس اللى كانوا شاهدين على واقعه الخناقه ال حصلت معاهم،
دخل ابوها واكتشفت انه بيقولى قبل اى كلام انا عاوز ال CD ال معاك لبنتى انا اتفاجئت بالكلام لكن مش فاهم رد عليه “السيد نصار ” قاله ال CD تبع مين ؟ رد ( ابوها ) قاله هو قالها عند الشقة انا معايه CD لكى . سالنى “السيد نصار” وقالى يا حاتم لو معاك حاجه تدين بنتنا طلعها واحنا نقطع من لحمها ونرميه لكلاب السكك , انا ماردتش واللى رد الناس اللى جايه معايه واللى حضروا المشكله قالو ان الكلام ده ماحصلش قال “السيد نصار” يبقى نسيب الموضوع ده
وسالنى انت عاوز ايه قولتله اخلص من الموضوع ده ” الطلاق ” قالى يبقى القايمه كامله او تجيب عفشك وتقعد عند ابوها فى البيت ومش هتدفع ايجار وهناخد القايمه نشيلها معانا وهنكتب ابوها وامها وصل امانه ضمان لحقك والشغل بتاعك ابوها مسئول انه يوديك ويجيبك كل يوم وقالى خد وقتك وفكر ومعاك اسبوع لكن كرامتى كانت اغلى من اى شئ، بعد الاسبوع انا روحت ووافقت على الطلاق وياخدوا القايمه كامله بشرط انهم يعفونى من مسألة المؤخر لانى خارج من جواز ومش هقدر ادفع ووافقوا وكتبنا وصل امانه انا وابوها بمبلغ 135 الف حنيه ومحضر جلسه عرفية باللى اتفقنا عليه ، وبعدها بيومين جت مع امها وابوها وناس من البلد ياخدوا العفش وكان موجود ناس من عندى اللى حضروا الجلسه العرفيه واخدوهم وصلوهم لحد باب بيتهم واتصل بيه واحد من معرفتى وقالى “محمد ابو زهره ” بيقولك لو مش عاجبك البيت عندهم شوف اى شقة فى البلد وابوها هيتكفل بالايجار وده دليل على انهم مش عاوزين الطلاق وعاوزين الصلح لكن انا رفضت وقولت الموضوع انتهى.
واستكمل قائلآ؛ بعدها روحت لهم علشان نخلص الموضوع واطلقها لكن اكتشفت انهم بيقولولى فيه حجات ناقصه فى الشقه واحنا قدرناها بمبلغ 2500 جنيه وعاوزنهم انا قولت الحاجه دى انا ماشوفتهاش رد السيد نصار وقالى تحلف على المصحف وبالفعل حلفت على ان الحاجه دى ماشوفتهاش مش زى ماهى بتقول مع ريهام سعيد انى حلفت على المصحف على موضوع الصور وطلقتها واخدت وصلات الامانه واصل القايمه ومحضر الجلسه العرفيه وانتهى الموضوع عند كده او كنت فاكر كده والكلام ده يوم 23/2/20214
وفى تاريخ 9/4/2014 صدر حكم غيابى ضدى بالسجن سنتين وكفاله 100 جنيه فى قضية تبديد منقولات مع انها استلمت كل حاجه ومتفقين على تتنازل عن القضايا،فعملت معارضه واخدت الورق وروحت زرقان للسيد نصار وحكيت له اللى حصل قالى “انا ماليش دعوه بالموضوع ده وماتدخلنيش مع محمد ابو زهره” وناس كتير قالتلى نقس الكلام ،ومشيت القضيه وفى جلسات المحكمه قدمت الورق القاضى طلبها للسؤال راحت المحكمه قالت انها ماخدتش حاجه وانها ماتعرفش شئ عن موضوع الصلح لكن انا اخدت برائة بس السؤال هنا ليه قالت كده ؟
فى تاريخ 31/3/2014 لقيت عسكرى من القسم جاى يسال عليه اتصلت بالمحامى سأل لقى ان طليقتى شاكيانى انى نشرت لها صور على الفيس بصفحة باسمها ( ريهام ابو زهره ) .
ومن هنا اقدر اشرح لحضرتك كل كلمه تدل على الكدب فى القضية ؛؛ اولا : يوم 19/8 عملت محضر فى ادارة المعلومات والتوثيق تتهم فيه مجهول انه نشرلها صور على الفيس على صفحه باسمها وان الصور دى كانت على اللاب توب بتاعها وانها عرفت من اولاد خالتها بالموضوع ده يوم 18/8
يوم 25/8 طلع تقرير الفحص الفنى وكانت نتيجته
صحة ماورد بأقوال الشاكية!
واترفقت صوره واحده من الصور فى المحضر واتحولت القضية لمركز شرطة تلا واتقيدت برقم 16125/2014 جنح تلا
يوم 31/8 قدمت شكوى للنيابة بتتهمنى فيها ان انا ال عملت الصفحة دى واخدت الصور من على اللاب توب وادعت انى قعدت فى جلسه عرفيه يوم 18 /8 يعنى بعد الطلاق فى “زرقان”واعترفت قدام الناس انى عملت الصفحة وقفلتها،المهم
اخدو سؤالها فى القضية ازاى انا اخدت الصور قالت ان الصور دى كانت على اللاب توب وانى قعدت فى جلسه عرفيه قولت الكلام ده وانها لما راحت لادارة المعلومات والتوثيق معرفتش مين ال عمل كده لان الصفحة كانت مقفوله، بس هنا نقف دقيقه.
مستكملآ حديثه عده تساؤولات قائلا؛ قعدت فى جلسه يوم 18/8 واعترفت ان انا ال عملت كده ولما راحت يوم 19/8 تعمل المحضر معرفتش مين ال عمل كده ازاى الاتنين يركبوا مع بعض ؟ولان الصفحه كانت مقفوله طيب لما الصفحة مقفوله من قبل ما تروحى تعملى المحضر عملتى المحضر فى ادارة المعلومات والتوثيق ازاى ان كانت الصفحه مقفوله؟ وازاى فى تقرير الفحص الفنى بتاريخ 25/8 بيقول صحة ما ورد فى اقوال الشاكية؟ يعنى وقت ما طلع التقرير كانت الصفحه مفتوحه بس ما قدروش يتوصلوا للفاعل يبقى مين ال كداب التقرير ولا اقوالها ؟
واضاف ؛ بأن المحضر اتحفظ للمره التانيه ويوم 16/10 قدمت تظلم للمحامى العام عشان يتفتح التحقيق مره تانيه بس المره دى غيرت كلامها فى الاول قالت انى اخدت الصور من على اللاب توب المره دى قالت انى صورتها لان فيه صور بملابس النوم فاهمه ؟
يوم 1/11 اخدوا اقوالها للمره التالته وقالت انى صورتها وبسؤالها الصور دى انا اخدتها من على اللاب توب زى ما قولتى ولا صورها لكى؟ فقالت فيه بعض الصور اخدها من على اللاب توب وفيه صور صورهالى بدون علمى فى غرفة النوم ” بالملابس الداخليه” بدون علمها يعنى مش واخده بالها انها بتتصور وانا هبعتلك الصور تشوفى انها مش واخده بالها،
وجابت الشهود يشهدوا و اول شاهد فيهم هو “السيد نصار” ال حكم الحكم فى الجلسه العرفيه انها لازم تاخد القايمه كامله ولما صدر الحكم ضدى قالى ماليش دعوه وتقريبا طردنى.
وأضاف ايضآ؛ فيه حاجه بس الاول عاوز اقولها وهى بالبرنامج مع ” ريهام سعيد” قالت انى قعدت فى الجلسه العرفيه خوفت وقولت ان موضوع ال CD ماحصلش وشوفى هي هنا بتقول ايه الحاجه التانيه انها بتقول ان الشهود اللى شهدت من عندى انا لكن فى المحضر ال شهد مين ؟ الناس من بلدها،السيد نصار قال ان حصل مشكله بينى وبينها واننى روحت عشان يتدخل فى موضوع الصلح وفى وسط الكلام قولتله انى معايه ال CD لها ولما سال الزوجه قالتله ايوه هو هددنى بالصور ولما رجعلى تانى انا قولتله ده كان كلام وبس والكلام ده قبل الطلاق وبعد الطلاق سمعت من شباب كتير فى البلد ان فيه صور على النت ونقف هنا دقيقه مع الشاهد!ونسترجع كلامها مع ريهام سعيد انى قعدت فى الجلسه العرفيه انكرت موضوع ال CD وشوفى هنا الشاهد بيقول ايه .
*الشئ التاني/ حصل خلاف بينى وبين مراتى وانا روحتله عشان يتدخل فى الصلح وفى وسط الكلام قولتله انى معايه صور لها شبة عريانه ووافق انه يمشى فى الصلح بعد ماقولتله كده ؟
*الشئ الثالث/ فى كلامها فى الاول بتقولى انى قعدت يوم 18/8 فى الجلسه واعترفت يعنى بعد الطلاق ب 6 شهور والشاهد بيقول الكلام ده قبل الطلاق شوفتى العك
الشاهد التانى بيقول انى روحتله عشان يتدخل فى الصلح وهيه راح لابوها قاله ييجى يقعد عندى فى البيت ولما انا رفضت قولتله انا معايه صور لها مصورها لها فى شرم الشيخ والغردقه وصور فى لبنان والامارات
شهر واحد اتجوزته او 18 يوم وروحت شرم الشيخ والغردقه ولبنان والامارت ؟ هي قالت مع ريهام ان فيه صور بمايوهات مع اصحابها وانا ماروحتش قبل كده شرم ولا الغردقه لا معاها ولا مع حد تانى وبعتلك شهادة تحركات انى لم اخرج بره مصر وكمان لما دورت على موضوع الامارات عرفت انها سافرت الامارت واتمسكت دعاره هناك اخدت مغادرة من البلد ، وبعد كده اتحولت القضية للمحكمه واتحددت الجلسات واتهمتنى النيابه بتهمة عرض صور خادشة للحياء العام مع ان القضية مفيهاش صور خادشة للحياء والقاضى طلب اصل الصور قال المحامى انها فى الادارة وطلبت التصريح وزى ماقولتلك ازاى هتيجى الصور ان كان فى كلامها ان الصفحة اتقفلت؟ . فى نفس اليوم وانا خارج من المحكمه اتصلت بيه امى ان فيه الاعلان من المحكمه حد شاكينى بوصل امانه بمبلغ 120 الف جنيه بس السؤال هنا انا ليس لدى احد يريد يأذينى او يضرنى غيرها هي ووصلت لوصلات امانه مزوره لكن ربنا ظهر الحق وطلع الوصل مزور وال اشتكانى بيه خد سنه حكم غيابى بسنه سجن لكن الله اعلم هو مين ولا فين ولا عايش ولا مين؟
ويوم 9/3 اتقدمت الصور وزى مافهمتك ان الصفحه اتعملت يوم 7 وراحت الادارة يوم 8 ويوم 9 قدمت الصور فى المحكمه واتأجلت القضية للحكم يوم 11 ،وبالليل وانا نايم لقيت الباب بيخبط ببص من البلكونه لقيت ناس كتيره تحت وانزل افتح انا اتخضيت من المنظر نزلت افتح لقيت الظابط داخل وواحد تانى بيكلم ابويه رد عليه الظابط ده وقاله مش هيسمعك لانه مش بيسمع والمهم طلع معايه فوق وظابط تانى طلع فلاشه من جيبه وحطها فى الكمبيوتر وانا بسأله انت بتعمل ايه ؟وايه اللى بتحطه فى الكمبيوتر ده؟ رد عليه الظابط واسمه المقدم/ حسام رشاد قالى بس خليك معايه وسالنى انت بتشتغل ايه عندك حساب فى البنك ؟ قولت ايوه، فيه رصيد؟ قولتله 20 جنيه ،قالى بس؟ قولتله ايوه، وبدا يفتش فى البيت وربع ساعه ولقيت الظابط الفنى قاله تمام يا باشا،قاله خلاص ؟ قاله ايوه ،بس انا مش فاهم ايه ال تمام وايه ال خلاص ؟طلب منى اغير لبسى وخرجت معاه والدنيا بتشتى لقيت طليقتى فى الشارع الساعه واحده وانا بستغرب عرفت منين والظابط عرف منين ان والدى لم يسمع وطلع بيه على القسم ومن اول ما ركبت العربيه وبدات التريقه (طلقت مراتك ليه وصور ايه ؟وفين الصور دى ؟عاوزين نشوفها ،وانت مراتك شكلها شمال ،وانت شكلك كنت بتسرحها ،وبتاكل من وراها ،وقلة ادب ماتخيلتهاش دخلت القسم وقعدت فى غرفه فتره طويله وجالى الظابط بيسألنى عن رقم التليفون اللى عليه الخدمه؟ قولتله على الرقم.
عشان حضرتك بتقوليلى راقبوك ! راقبوا ايه بس ان كان مش عارف الرقم ال عليه الخدمه يبقى الناس دى بتشتغل ازاى ؟
المهم جالى تانى بعدة تساؤلات ؛ عن هشام وهو بيتكلم فى التليفون ؟قولتله هشام مين؟ قالى الل فاتح سنترال عندكم قولتله ماله قالى اسمه هشام ايه؟ قولت له مش عارف لانى كنت مذهول من اللى انا فيه ومش مركز ،قالى انت كده مش دوغرى معايه قولت له ،والله انا دوغرى المهم جه هشام وقعدنا لحد الصبح كل واحد فى غرفه وبعدين خدنى المقدم/حسام رشاد، وركبنا فى العربيه وماشين على اننا رايحين النيابه ولما لقيت الطريق متغير قالى هنروح مشوار ولقيت نفسى فى “وزارة الداخيه” ودخلت على العميد/ محمد عبد الواحد، ومن هنا ابتدت الاهانه والضرب من الساعه 10 الصبح للساعه 5 المغرب وعشان ارحم نفسى من ال شوفته بقى ال بيقولوا عليه اقولهم ايوه وخلاص ورجعت تانى للبلد حوالى الساعه 8 وسلمنى المقدم/حسام رشاد ،والظابط فى القسم بيٍسأله قضية ايه دى ؟قاله دى قضية نصب بس لا يوجد مجنى عليها وهو ماشى كلمنى المقدم/ حسام رشاد، وقالى دى قرصة ودن بس المره التانيه مش هسيبك وهتلاقينى جايبك من قفاك .
( ولم يتوصل الفحص الفنى لمرتكب الواقعه ) وتحريات المباحث ال خاليه من رقم الايبى ال بتقول ان تحرياته اتوصلت لصحة واقعه من خلال مصادرة السرية (انا قاعد على الكمبيوتر جوه الاوضه بتاعتى فى البيت بتاعنا ومصادرة دى عرفت اللى بعمله مع ان تحرياته لا يوجد تقرير دعم فنى ولا حتى يعرف رقم التليفون اللى عليه الخدمه).وكمان مصادرة دى اتوصلت انى انا وهشام اللى كان متهم معايا فى القضية اتوصلت باننا مشتركين فى واقعة النصب والابتزاز الجنسى انما لم تتوصل ان كان مشترك معايا فى نشر الصور ولا لاء.
ففى القضية الاولى بعد شهادة الشهود النيابه طلبت تحريات المباحث وبطلبها من مركز شرطة تلا والتحريات اتوصلت لصحة واقعه ادارة المعلومات والتوثيق كتبت فى تقريرها انهم لم يتوصلوا للفاعل انما مباحث شرطة تلا توصلت وتانى حاجه صاحبة الموضوع اعترفت قدام الناس كلها انى قولت محصلش انى هددتها انما فى القضايا قالت عكس الكلام والتحريات صدقت عليه وده دليل على ان التحريات معموله فى المكتب وال عمل التحريات ده الرائد/ نصر القارح الل ظهر معايه فى الحلقه لريهام سعيد
وروحت النيابه ووكيل النيابه لا ٍسالنى ولا غيره بقى بيسال هو ويجاوب وفى الاخر قالى القضية القديمه هتاخد برائة ودى كمان هتاحد برائة بس استحمل لانك متوصى عليك توصية جامدة من وزارة الداخليه انك تدخل السجن ومتخرجش منه ،وبعدها اخدت 4 ايام استمرار انا وهشام وبعد ال 4 ايام واتقيدت القضية برقم 1587 وبعد ال 4 ايام تجديد حبس 15 يوم استمرار وبعد ال 15يوم هشام ال معايا النيابة استبعدته من القضية وانا اتجدد لى حبس 15 يوم تانى ويوم 31 /3 طلعونى من السجن للمباحث فوق ولقيت ريهام سعيد وقالتلى طليقتى جت قعدت معاها ساعة وانت ليك حق الرد ولازم ترد وتدافع عن نفسك انا رفضت ، والحمد لله دخلت الاوضه التانيه ••انضربت وطلعت•• وقولت موافق وحصل ال انتى شوفتيه واصرارها على انها تدينى. وتذكر قائلا؛ نسيت اقولك ان القضية الاولى اتحجزت للحكم واتحددت جلسه يوم 23 /3 وقبل القضية ماتحكم اخدت صورة من المحضر فى القضية التانيه ورفقته فى القضية الاولى انى دلوقتى اصبحت مسجون على ذمة قضية تانيه ولنيابه طلعت استدعائها عشان ياخدو اقوالها فى القضية التانيه يوم 22/3 ويوم 23 اخدت حكم سنه والحكم هبعته تقدرى تشوفى ال انا معلم عليه وتشوفى شهادة السيد نصار المهم اخدت حكم السنه ده وراحت عشان اقوالها وقدمته فى القضية التانيه علشان ابقى مدان كمان فى القضية التانيه واخد حكم فى الاتنين شوفتى التخطيط ؟
اتحددت لى جلسه يوم 20/5 واتقيدت القضية برقم 836 والنيابه وجهتلى عدة تهم:
*التعدى على حرمة الحياة الخاصة.
*اذاعه صور للمجنى عليها.
*نشر صور للمجنى عليه.
*وسب وقذف.
*واسائة استخدام الحاسب الالى بانى ارتكتب الاربع جرايم ال فوق .
وتابع حديثه؛ فقد اتحجزت القضية للحكم ويوم 27 /5 اخدت برائة فى التهم الاخيره الخامسه وعدم اختصاص المحكمه فى باقى الجرائم
معنى الحكم انى برئ من التهمه الخامسه فيبقى انا برئ من باقى التهم والقضية فشنك كان فاضل ان يتحددلى جلسه تانيه فى محكمه الجنح العادية واتحاكم فى باقى التهم وهتبقى برائة من كل التهم.
وأضاف؛ ولان لازم لا اخرج من السجن زى ماخططت لانى لو خرجت بالسرعه دى هتظهر الحقيقه ويبان كل شئ وهتبقى هي كدابه وينكشف تدليسهم ، فقدمت تظلم للمحامى العام فى طنطا عشان يستأنف على حكم البرائه لان هي مالهاش انها تستأنف على حكم المحكمه وبالفعل اتقبل الاستئناف وانا ما اعرفش انها قدمت تظلم ولا النيابه استأنفت انا كنت مستنى اتحاكم وفضلت 6 شهور ما اعرفش وبيتجددلى حبس وانا مش عارف انا محبوس ليه او بيتجددلى حبس ليه وليه ومش بتحاكم علشان اخلص ووصل لعمى بالصدفه ان ليه جلسه فى طنطا لانى كنت بتحاكم فى طنطا فى المحكمه الاقتصادية والمحامى سأل وعرف انها قدمت تظلم والنيابه استأنفت واتحددلى جلسه واتأجلت 4 مرات لاعلان المتهم على مدار ال 6 شهور وانا الفتره دى ماوصلنيش اى اعلان بالجلسات دى .
فتابع؛ فقمت بعمل استئناف للحكم فى القضية الاولى وحضرت جلسه الاستئناف ومعايه الشهود وطلبت من القاضى يسمع شهادة الشهود قالى مافيش دماغ نسمع شهود المهم نزل الحكم من سنه ل 6 شهور.
وفى القضبة التانيه؛ حضرت الاستئناف بتاع النيابه واتقيد الحكم بالبرائة فى التهمه الخامسه وباقى التهم يتحددلى جلسه يوم 29/12 وحضرت الجلسه واخدت برائة يوم 32/1 /2016 يعنى بعد 10 شهور حبس فى القضية دى لكن وقفت قدامى عقبة ال 6 شهور كان لازم اقضيهم لكن عملت نقض فى الحكم
وأخيرا بعد طول انتظار ؛ خرجت من السجن يوم 29/5/2016 بعد 15 شهر سجن ،ووصلت لرقم /راضى اللى شغال مع ريهام سعيد واتصلت بيه وقولت انا فلان اللى عملتوا معاه حلقة باسم كذا وحكيت له التفاصيل وطلبت منه يوصلنى لريهام قالى انت عارف اننا فى رمضان والبرنامج واقف وانا مش بشوف ريهام بعد رمضان انا هكلمها وهتصل بيك ومحصلش انه اتصل!وروحت زى ما قولت لحضرتك مدينة الانتاج الاعلامى ووقفت هناك مستنى ريهام لكن مقدرتش اقابلها بعد الحلقة مشيت على طول وقابلت” زيزو الفرماوى “مدير الانتاج وريته الورق والصور وحكيت الحقيقه وطلبت منه يوصلنى لريهام لان كده { انا اصبحت سئ السمعه وحياتى كده اتدمرت غير السجن اللى اتسجنته والبهدله اللى اتبهدلتها }
قالى احنا كده بقينا فى مشكله ومش عارف نحلها ازاى كلم غاده على الواتس اب وقالها بالنص؛
” حاتم شوقى محمد الحصرى “عمل حلقة مع ريهام بتاريخ 31/3/2015 وقعد فى السجن 15 شهر ،وريهام دمرت حياته ولازم ليه حلقة ضرورى وبسرعه ” وقالى انه هيقعد مع ريهام ويشوف حل للمشكله دى ،قولت له يعنى ريهام ال بتفهم الناس انها بترجع الحقوق لاصحابها وانها قبل ما تعمل حلقة لازم تتأكد وبتتطلب من الناس قبل ما تحول القضية لقضية راى عام انها تتاكد هتطلع تقول للناس انا كدبت عليكم وانا غلطانه ؟
قالى ما اعرفش ،المهم قولتله انا جيت دلوقتى قبل ما اروح للمحكمه، قالى خلاص انا هتصل بيك ،وانتظرت شهر ولم يتصل بى احد . كلمت “احمد بهنس ” بإعداد البرنامج وحكيت له ال حصل عن طريق التلفون والفيس بوك، قالى انا هقابل ريهام بكره وهحكلها ال بتقوله وتانى يوم اتصلت بيه ،قالى ريهام عاوزه تشوف انك خدت برائة ابعتلى الورق بعتله الورق، قالى تمام كده ،واتصل بيه لم يرد ، قدمت بلاغ للنائب العام يوم 22/8 واتحولت الشكوى لمركز تلا واتقيدت الشكوى برقم 5840 /2026 ادارى تلا واتحفظت الشكوى وقدمت تظلم للمحامى العام فى شبين الكوم واتقيد برقم 9773 /2016 تظلمات.
ارقام المحاضر قضية الدعارة لطليقتى اللى طلعتها ريهام سعيد مجنى عليها 17843/2011 جنح مدينة نصر بتاريخ
قضية النفقه/ 23/5/2011
وصل الامانه/ 51/2014
محضر اثبات حالة بوصلات الامانه بشهادة الشهود انى مخدتش مبالغ ماليه وانها ضمان للمعيشه برقم 643/2014 ادارى تلا بتاريخ 20/1/2014
قضية تبديد منقولات 22/2014 جنح تلا
قضية الصور الاولى مقيدة برقم 16125 جنح تلا والمقيدة برقم 64046 جنح مستأنف شبين الكوم
القضبة التانية مقيده برقم 1587 لسنة 2015 ادارى تلا والمقيدة برقم 17 لسنة 2015 جنح اقتصادية تلا والمقيده برقم 836 جنح اقتصادية طنطا والمقيدة برقم 73 لسنه 2015 جنح مستأنف اقتصادية طنطا.
*وبالنهايه هذه ما ورد من حاتم الحصرى من تظلم وادانته دون اثبات الادانه او برائته وقد قاموا بالتشهير به وجاء منكسرآ بما حدث له من كل التدليس والكذب والافتراء وعندما طالب ادنى حقوقه وهو رد حقه برصد الحقيقه المختبئه بعد الحكم بالبراءه وحقه بالظهور بالبرنامج لحق الرد بقدر المشاهده ال شاهدت تشهيره فقاموا بقفل الابواب بوجهه. ومخالفة القوانين ، فكيف يتسنى التصوير لمتهم محبوس على عدة قضايا بالرغم ما نصت عليه الماده (140) من قانون الاجراءات الجنائيه ،ان لا يتم الاتصال او التسجيل تلفزيونيآ او عقد لقاء مع السجين حتى لا يحاك بهذا اللقاء ويعتبر قرينه او شبه قرينه لهذه القضيه.
( فالمتهم برئ حتى ان تثبت ادانته)..

اترك تعليقا

لن يتم نشر عنوان بريدك الإلكتروني.