كيك الكريم كراميل للشيف هدير علام
كيك الكريم كراميل 🥞🥮مقدم من شيف هدير علام
كيك بمكون جديد هيخلى الطعم فى حته تانيه
كيك معموول بالزبده و بودره الكريم كراميل ومسقى كريم كراميل وعليه صوص الكراميل
الكيك من جووه ابيض ومنفووووش وطعمه حلو جدا
يلا بينا
تلات اكواب دقيق
تلات ارباع كوب سكر
تلات ارباع كوب زبده طريه
كوب زبادى”علبتين”
٤ بيضات
بطل الوصفه “باكو كريم كراميل بودره انا استخدمت دريم”
ربع معلقه صغيره فانيليا
معلقه كبيره خل
كيس كيك شيف”بيكينج بودر “
رشه ملح
فى الخلاط هنحط البيض والفانيليا والسكر ونضرب كويس جدا وبعدين نزود الزبده ونضرب وبعدين نزود الزبادى وكيس الكريم كراميل البودره ومعلقه الخل ونضرب كويس جدا
فى بوله هنحط الدقيق على رشه الملح على كيس الكيك شيف ونقلب وننزل عليهم بالخليط اللى فى الخلاط ونقلب كويس جدا من تحت لفوق لحد مايتجانسو تماما
ندهن قالب ٢٤ زبده ونبطنه بدقيق ونصب الخليط وندخل فرن سخن على ١٨٠ لمده ٣٥دقيقه وناخد بالنا سمك الخليط ده اتقل شويه من اى كيك سمكه زى الكب كيك كده كريمى
بعد ماتستوى هنطفى الفرن ونسبها جوه خمس دقايق ونطلعها تبرد
نجيب بقى باكو كريم كراميل بودره كمان ونص كيلو حليب فى حله ونقلبهم كويس جدا ونرفعهم ع النار مع استمرار التقليب لحد مايغلو ونطفى ” قوامهم هايبقى سائل خالص لان الكريم كراميل بيمسك لما بيبرد مش وهو ع النار”
نجيب الكيك بعد مابرد ونخرمه بخله الاسنان ونبدأ نسقيه الكريم كراميل وهو سخن وممكن نقطع الكيك ونسقيه.
بعد ماسقناه ناخد كيس الصوص اللى بيبقى فى العلبه مع الكريم كراميل ونحطه ع الوش و بس كده ندخل بقى التلاجه كم ساعه كده يمسكو فى بعض وبالف هنا
وممكن نكتفى بالكيك لوحده اللى عملناه ببودره الكراميل من غير مانسقيه طعمه حلو جدا وهش ولونه تحفه
اترك تعليقا