ازاي نعمل الحمام المغربي في البيت بكل خطواته
كتبت شيما الطايع
الحمام المغربي بيساعد علي الاسترخاء والراحة النفسيه وبيعمل علئ تنظيف وتنعيم الجسم وكمان مطهر للجلد وبيشيل الجلد والخلايا الميتة المتراكمة علي البشره وبيحارب الشيخوخه وبيحسن الدوره الدمويه جدااا كمان بيحسن من توتر العضلات هنعرف دلوقتي ازاي نعمله في البيت اول حاجه هتجيبي المكونات دي صابون مغربي من اي عطار ولوفه مغربيه وزر ورد وبابونج وترمس مطحون ولبن نيدو وتوله صغيره اي زيت برفان خام اي نوع بتحبيه وزبادي ده كل الي هنحتاجه .
1-هننقع اللوفه في خل من باليل علشان تكون مطهره كويس اوي
2-هنجيب اكبر حله عندنا ونملاها ماء ونحط فيها زر الورد والبابونج ونص توله البرفان وبعد ماتغلي كويس أطفئ عليها
3-هنكون مجهزين البانيو مليان مايه سخنه علي قد ما جسمك يستحمل الحراره وتزود عليه المايه الي في الحله علي البانيو وتقعدي في البانيو لمده 20 أو 30 دقيقه لحد ما الجلد يدبل شويه وممكن في الوقت ده نكون حطين اي ماسك علي شعرنا نستغل الوقت
4-وبعد 20 أو 30ماتخلص هندهن الجسم كله صابون مغربي ونسيبه علي الجسم 10 أو 15دقيقه وبعدين تشطف الصابون كويس جدآآآآ ونبداء نفرك الجسم بالوفه المغربيه بشكل دائري كويس جدااا لحد ما تشيلي الجلد الميت كله وبعدين تشطف الجسم وبنكون مجهزين ماسك ارز مسلوق كويس ومضروب في الخلاط مع لبن نيدو ده هيشد اي التهاب مكان الفرك بالوفه هنسيبه لمده 10دقائق وبعدين يشطف كويس وبعدين نحط ماسك اختياري بس مفيد جداا بينعم وبيطري الجلد مكون من ترمس مطحون و زبادي ونقطه او نقطتين لون طعام احمر نحطه علي الجسم كله لمده 15دقيقه وبعد مانشطفه وبنكون مجهزين بابي اويل عليه باقي نص توله البرفان وندهن بيه الجسم والشعر كله ببنعم وبيعطر الجسم والشعر وممكن نستغني عنه وندهن زيت مسك .
ممكن الحمام يبان أنه بياخد وقت طويل لكن النتيجه تستاهل كمان لو جهزتي كل حاجه قبل ماتدخلي الحمام هيسهل عليكي جدااا وحتي لو اخد ساعه او اكتر مش كتير علي جمالك ونظافتك والراحة النفسيه الي هتحسيها بعد الحمام حبي نفسك واديها وقت حتي لو عشر دقائق من يومك لما تعملي كده تحبي نفسك وتدلعيها هيكون عندك طاقه اكبر ونفسيه احسن انك تحبي غيرك
اترك تعليقا