(اسبوع الإنقاذ السريع)

كتبت شيما الطايع

كل سنه وانتوا طيبين العيد قرب بعزوماته والأكل الكتير والحلويات والعصائر وكميه دهون وسكريات هتتدخل جسمنا في الفتره دي كبيره فاطبيعي يكون معظم الناس طالعين من العيد في كام كيلو زياده وعايزين نخسهم فا هانعمل اسبوع الإنقاذ السريع علشان نلحق نفسنا شويه وده هيكون مكون من 6ايام والسابع هيكون يوم وجبه فري وباقي اليوم نظام الدايت العادي أو الصيام المتقطع والاسبوع ده هيكون فيه الفطار والغداء والعشاء ثابتين طول الست ايام . 1-الفطار قبل الساعه 10 الصبح ومكون من 2معلقه صغيره عسل نحل +2توست بني وممكن نشرب اي مشروب او كوب لبن خالي الدسم بسكر دايت وبعدين نصوم 5ساعات بدون نوم ممكن نشرب فيهم ماء فقط

2-الغداء 4قطع صدور دجاج مشوي او 3سمك بلطي صغير مشوي او علبه تونه مصفي +سلطه خضراء والافضل بدون طماطم والجزر +وخضار ني في ني (كوسه +فاصوليا خضراء ) الافضل تثبيت البروتين طول الست ايام

3-العشاء 3ثمره فاكهه اي نوع معادا (البلح والمانجو والتين والعنب ) او علبه زبادي لايت وخياره

-احكام الدايت

1-ممنوع الاكل طول فتره ال 5ساعات الصيام بدون نوم بعد الفطار يمكن شرب الماء فقط.

2-الافضل تثبيت نوع البروتين طول الست ايام.

3-معاد الغداء يكون قبل المغرب مش بعد المغرب.

4-ممكن استبدال الفطار ب4 بسكوت دايچيستڨ أو 6 بسكوت لوكس بس النتيجه هتكون أقل فالافضل تخلينا علي التوست والعسل.

5-ممكن ناخد اسناكس العادي زي الخيار أو الخس لكن بعد الخمس ساعات الصيام.

6-الدايت ده غير مسموح فيه معلقتين السكر.