الرئيسية أخبار البطاطس الفريسكاس(قرمشة وطعم لذيذ) تقديم شيف / هدير علام 

البطاطس الفريسكاس(قرمشة وطعم لذيذ) تقديم شيف / هدير علام 

moda 1318
البطاطس الفريسكاس(قرمشة وطعم لذيذ) تقديم شيف / هدير علام 
واتساب ماسنجر تلجرام

البطاطس الفريسكاس تقديم شيف / هدير علام
طعمها ملوش حل وطريقتها سهله جدا والنتيجه مضمووونه قرمشه رووعه من بره وطريه من جووه

هشه وجميله وبالطريقه بتاعتنا مش هتشرب زيت نهاااااائى
يلا بينا نقول الطريقه
٣بطاطسات كبار
كوب دقيق
كوب ميه
معلقه كبيره نشا

معلقه صغيره لكل من ” بابريكا . بودره كارى . بودره كركم. فلفل اسود .ملح . توم بودره . بكينج باودر ”

الطريقه :

هنجيب البطاطس نقشرها ونقطعها صوابع طويله ومش رفيعه تخينه شويه نغسلها وننزل بيها على زيت غزير سخن تتحمر نص تحميره ونشيلها من ع الزيت نصفيها وتبرد تماما ندخلها الفريزر ساعه⁦

فى بوله هنحط الدقيق والنشا وكل البهارات المذكوره والميه ونقلب لحد ماناخد عجينه متوسطه السيوله لا خفيفه ولاتقيله اوى بحيث البطاطسايه أما نحطها تشيل من الخلطه دى
نطلع البطاطس من الفريزر نحطها فى الخلطه نسبهم يرتاحو ربع ساعه كده وناخد بقى البطاطس نحطها فى الزيت تانى ويكون سخن جدااا وغزير ⁦

⁩ ناخد بططسايه بططسايه نحطها ومنحدفش فوق بعض ونتأكد أن كل بططسايه واخده من الخلطه ومنقلبش الا أما تاخد لون نقوم قالبين ع الناحيه التانيه وهكذا لحد مالمقدار يخلص نطلعها على مناديل مطبخ ونقدمها سخنه مع الكاتشب والمايونيز
والطريقه دى اننا نقليها نص قليه الاول افضل من أنها تكون نيه خالص وافضل من أننا نسلقها سلقه سريعه ⁦قبل التحمير ⁩⁦
وبالف هنا وشفاااا

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *