الرئيسية أخبار طريقة منزلية سهلةوموفرة للسندوتشات المحشية

طريقة منزلية سهلةوموفرة للسندوتشات المحشية

moda 1379
طريقة منزلية سهلةوموفرة للسندوتشات المحشية
واتساب ماسنجر تلجرام

ساندوتشات محشيه.. تقديم / شيف هدير علام
من اكتر المخبوزات الهشه اللى ممكن تجربوها الطريقه السهله جدااا وعلى اد الايد
وهقولكوا كمان على سائل تلميع تحفه يخليها منوره كده كأن عليها عسل
من3 ل 4 اكواب دقيق
نص كوب حليب دافى
نص كوب ماء دافى
ربع كوب زيت
معلقه كبيره سكر . معلقه كبيره خميره فوريه
معلقه كبيره خل . ربع معلقه صغيره ملح
فى بوله هنحط الحليب والميه والسكر والخميرة ونقلب ونغطى ونسبهم 10 دقائق بعد كده نزود الزيت والخل والملح ونحط 3 كوبايات دقيق ونركن الرابعه ونبدأ نعجن لحد مالعجينه تلم احتاجنا دقيق هنزود من الكوبايه الرابعه المركونه ونعجن جامد لحد ماناخد عجينه طريه ملساء من غير اى تشققات
ندهنها زيت فوق وتحت ونركنها تخمر فى البوله ونغطى عليها لحد ماحجمها يتضاعف
بعد كده هنقسمها كور صغيره . الكميه دى تعمل 16 كوره تقريبا .. ناخد كوره كوره وجنبنا زيت نبل أيدينا بيه ونفرد الكوره كويس لحد ماتاخد شكل مستطيل رفيع ” هتتفرد معاكوا بسهوله جدا ” نبدا نيجى فى اولها نحط الحشو ونقفل عليه كويس طرف العجين وباقى العجين المفرود هنشرحه بسكينه بالطول ونلف رول هناخد شكل المخبوزات اللى فى الصوره وهكذا لحد مانخلص الكميه
انا حشيت نوتيلا وحشيت جبنه شيدر
نرصها فى صينيه الخبز ونسيبها تخمر تانى ونسخن الفرن جامد على اعلى درجه
ونيجى لسائل التلميع عباره عن صفار بيضه ومعلقه واحده حليب وربع معلقه نسكافيه بلاك ونقلبهم ونلمع وش المخبوزات وندخل الفرن
السائل هيديكوا نتيجه روووووعه لمعه دهبيه جميله بعد التسويه كأنهم مدهونين عسل
ندخل الفرن اللى سخناه كويس لحد مايستوى وياخدو لون وبس كده بالهنا والشفا 😊❤️ وبجد لازم تجربوها هتعجبكم جدااااااا

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *