كعب الغزال والقراقيش المحشوه بالتمر (المقادير والطريقة)
قراقيش فلاحى بالعجوه او التمر مقدم من / شيف سارة رجب
المقادير و الطريقة…
كوب ميه دافيه ندوب فيها معلقه كبيره خميره فورية مع معلقه كبيره سكر و نسيبها ع جمب تتفاعل لما ترتفع
كوب زبده بلدي عليها نص كوب زيت ندوبهم ع النار يدوب الزبده تفك بدون ما تسخن اوي
وف طبق غويط للعجن ننزل بكيلو دقيق عليه 2معلقه كبيره سكر و 3 معالق كبار لبن بودره و 4 معالق كبار سمسم و نص معلقه صغيره ملح ومعلقه صغيره بيكنج بودر و نقلبهم مع بعض كويس جدا و ننزل عليهم بالزبده بالزيت ونفرك الدقيق كويس جدا لما يتغلف بالماده الدهنيه ننزل بالميه و نلم العجينه لو لقيناها ناشفه نزود كمان ربع كوب ميه لما العجينه تلم ترتاح لما تضاعف و تتشكل حسب الرغبه. Sara Ragab
لو هنحط سمسم ع الوش بندوب معلقه صغيره عسل اسود مع شويه ميه اقل من ربع كوب و نغطس وجه القطعه و ننزل بيها ف السمسم علشان يمسك وتتغلف كويس.
حشوة التمر… معجون تمر عليه نص معلقه صغيره قرفه وربع معلقه صغيره حبهان مطحون و رشه ملح
اترك تعليقا