كيفيه العنايه بالبيرسينج

كتبت /شيما الطايع

لو هتعملي piercing لازم الاول تعرفي ازاي تعتني بيه وبنظافته وتعرفي أن نجاح البيرسينج بيتوقف علي العنايه مابعد البيرسينج اكتر من عمل البيرسينج نفسه فالازم تعملي الحاجات دي.

1- اول حاجه البيرسينج piercing جرح زي اي جرح ال healing بتاعه بيختلف من شخص للتاني وكمان بيختلف هو معمول في أي مكان في الجسم ولكن فتره الشفاء في الغالب بتتراوح بين شهر ونص لشهرين وممكن اماكن معينه فتره الhealing توصل ل6شهور .

2- لازم الي يعملك البيرسينج يكون حد دارس ومتتخصص مش مجرد حد هاوي علشان ما تتعرضيش ل infection ولازم تخرمي بحلق يكون تيتانيوم وممنوع الحلق الطبي لانه بيتفاعل مع الجسم وممكن يصدي ويعمل التهابات.

3-ممنوع نخرم بالمسدس لانه غلط جدااا وبيسبب قطع للانسجه الداخليه و بيسبب تشوه و infection لانه بيستخدم كذا مره وصعب تعقيمه من الداخل مهما اترش عليه كحول بيفضل حامل ڤيروسات لازم نعمل البيرسينج بالابره needle المخصصه البيرسينج لانها مش بتعمل تقطيع للانسجه بندخل بسلاسه عن طريق سن الابره المجوفه من غير استخدام ضغط زي المسدس وكمان بتكون مغلفه ومعقمه وبتستخدم مره واحد لكل شخص needle خاصه به .

4-ممكن في حاله nose piercing ممكن نغير الحلق بعد البيرسينج علي طول لكن باقي أنواع البيرسينج لا ممنوع لازم نفضل بالحلق الي اتعمل بيه البيرسينج 3شهور وفي اماكن زي ال belly piercing وأماكن تانيه ممكن نقعد بالحلق الي اتعمل بيه البيرسينج 6شهور وبعدين نغيره.

5-ممنوع في حاله belly piercing ننزل pool حمام سباحه أو بحر لمده 6شهور من معاد البيرسينج مسموح بماء الدش بس .

6-الافتر كير بتاع البيرسينج ليه طريقتين الأولي نمسح بقطنه ودان عليها محلول ملح والافضل يكون دافئ ثلات مرات علي البيرسينج بيساعد علي التأم الجرح أسرع بس من غير مانشيل الحلق ولا نلف الخلق كل شويه غلط بيسبب التهابات وبناخد الفانتيرن علشان التورم الناتج عن دخول جسم غريب .

الطريقه التانيه لو في التهابات نحط حول الحلق اي كريم مضاد حيوي برده من غير مانشيل الحلق ولا نلفه ونرش برده محلول ملح وناخد الفانتيرن اقراص.

7-لازم الايد دائما تكون نظيفه ومتعقمه كويس قبل ما نلمس الحلق أو نغيره علشان دا جرح وممكن يتلوث ولو هتحطي مرهم أو كريم يكون بقطن الودان .

8-لو حصل واتكون قشره حول الحلق دا عادي بيحصل وقت healing تشليها براحه بقطنه الودان ولو بتغيري الحلق ولاقتيه لزق في الجلد برده عادي هترشي شويه محلول ملح وتستني شويه وتحطي كريم حول الحلق وهتلاقي الحلق اتفك معاكي بسرعه.

9-ممنوع الكحول أو البرفان أو الماك اب يلمس مكان البيرسينج طول فتره الشفاء لانه ممكن يسبب ثلوت للجرح .

10-قبل ماتخدي قرار انك تعملي البيرسينج لازم تبقي فاهمه أنه هياخد منك وقت لحد ما يخف وكمان هيحتاج عنايه واهتمام علشان نتجنب الالتهابات والعدوي والتلوث وغيرها من المشاكل الي كمان ممكن توصل لتشوه مكان البيرسينج .

انا كده اتكلمت علي البيرسينج بشكل عام لكن في المقالات الجايه هنتكلم عن كل انوع البيرسينج علي حده .