مشوار_كفاح

كتبت/مصممة الازياء مي زيدان

مراحل تطور البيزنس بتاعي💡🥰
لسه فاكره اول يوم ابتديت في كأنه امبارح ، كان حلم حياتي يكون عندي بيت ازياء
حضرت ٣ دبلومات غير دراستي الأساسية و نزلت شغل في اكتر من مكان ومجال و اكتسبت خبره من كل مكان اشتغلت في و كأن ربنا بيحطني علي طريقي من غير ما اكون قصده ان ده يحصل و رغم كل الاماكن و الخبرات دي كان جوايا دايما صوت بيقولي لسه الحلم ماجاش ميعاده لسه حاجة ناقصه لسه برضو مش لاقيه نفسي ولا دماغي في المكان الصح او في الطريق اللي يشبهني بس طول الوقت كان عندي اقتناع تام ان هيجي اليوم اللي هبتدي في البيزنس بتاعي
يوم ٢٠١٧/١٠/٢٨ كان معايا ٤٨٥٠ جنية ماكنتش اتحكم حرفيا علي مبلغ غيرهم في الوقت ده بدون تفكير و بدون اي لحظة تردد والله العظيم شئ جوايا اقوي مني خلاني اخد الريسك و اقول انهارده هبتدي، بعد دراسة جدوي مشروع الازياء لاقيت ان المبلغ ماكنش كافي بالمره اني ابدأ ب الازياء فقولت مش مهم هبتدي بالمتاح انا بحب الهاندميد و ربنا عطيني الموهبه فاستثمرها بقي وفعلا اشتريت خامات علي قد المبلغ اللي معايا شوية خرز و طارات خشب واهتميت بال recycling و نزلت ٣ معارض و اخدت دبلومة في الازياء و الحمدلله ربنا كرم من وسع حقيقي و يوم ٢٠١٩/٩/٩ فتحت اتيليه صغير وعرفت احلي عملاء في الدنيا كانوا هما رزقي الحقيقي قبل الفلوس والله ❤️
وبعد ما قفلت الاتيليه ربنا كرم و بدأت في اول خطوات حلم حياتي بفساتين الزفاف و السواريه و ان شاء الله قريب بعد كام شهر من دلوقتي هفتح بيت الازياء اللي كافحت بعمري و صحتي و زهني قبل فلوسي عشان اوصله
مش عارفه ليه دلوقتي حسيت اني عايزه اكتب ده بس يمكن عشان كل ما بنمر بفترة صعبة بيمر علينا شوية يأس و تعب مجرد ما نفتكر مشوار الكفاح و قد ايه تعبنا فعلا و من فين و بقينا فين بكرم ربنا علينا وفضله و توفيقه مش ب ي حاجة تانيه والله
بنطمن ان رغم اي تعب المشوار يستحق الصبر و المثابره و بنطمن بخطواتنا انها هانت ❤️
دعواتكم 🙏😊
#dream #dreamer #success #business #businesswoman #enterpreneur #entrepreneurship #fashion #art #soriee #dresses #company #مشوار_الكفاح