الرئيسية أخبار نصائح لكيفية تحميم طفلك في فصل الشتاء

نصائح لكيفية تحميم طفلك في فصل الشتاء

moda 1503
نصائح لكيفية تحميم طفلك في فصل الشتاء
واتساب ماسنجر تلجرام

ميادة محمود..أطفال أكلينك

انا بخاف احمى العيال فى الشتاء !!
ليتعبوا وياخدوا برد
هل الكلام دا صح ام غلط ؟

اولا لازم كل ام تعرف حاجه مهمه ، ان انخفاض درجة حرارة الجو مش السبب الاساسي لإصابة الطفل بأدوار البرد و الانفلونزا .

السبب الاول هو انخفاض مناعة الطفل و انتشار الفيروسات .

طيب ازاي احمى ابني في الشتا انا بخاف يبرد و يتعب

1️⃣- لازم تتأكدي انك مجهزة كل البس اللي هيحتاجه بعد الاستحمام

2️⃣- الاطفال اللي بتستحمي بمياه ساخنة جدا هما اكتر اطفال بيجيلها برد و حساسية

3️⃣- ميكنش في اي تيارات هواء باردة علي الطفل بعد الخروج من الحمام .

4️⃣- استخدمي برنس او بشكير كبير تلفي فيه الطفل وهو جسمه مبلول متخرجيهوش من الحمام بدون حاجة تغطي جسمه .

5️⃣- نشفي جسمه و شعره كويس اوي عشان ميبردش بعد ميلبس .

6️⃣- يفضل ان يكون الدوش قبل موعد النوم بساعة .

اوعي تحمي الطفل و تخرجي بيه من البيت مباشرة

و خلينا منهملش فيتامين سي و فيتامين د في الشتا

#مهم و نفكر نفسنا دايما ان اهمال النضافة الشخصية هي السبب الاول للتعرض لادوار الانفلونزا ، و اننا لازم نهتم بتنظيف الانف كل يوم لو لاحظنا اي افرازات او مياه او مخاط

غير كدة الاستحمام في الشتاء مش خطر و الخطر انك تمنعيه
#مهم/لا يتعدى الاستحمام اكثر من ٥ دقائق

#مهم/ متنسيش تاخدى كل احتياجات الطفل داخل الحمام او الغرفه ، ولا تستخدمي الماء الساخن جدًا، لأنه ضار على صحة وبشرة طفلك.

لن تحتاجي إلى غسل شعر طفلك كل يوم، لأنه يفرز القليل جدًا من الزيوت، لذا يكفي غسله مرتين في الأسبوع. ضعي كريم أو لوشن مرطب على جسم طفلك بعد الاستحمام، سيساعده التدليك السريع على الشعور بالدفء، وكذلك ترطيب بشرته من التشققات أو الالتهابات. ألبسي طفلك ملابسه سريعًا، وراعي أن تكون الطبقة الملامسة للجلد من القطن وليس أي أنواع أخرى، تجنبًا للحساسية. لا تنسي إلباس طفلك جوارب قطنية وغطاء للرأس مع لفه جيدًا ببطانية خفيفة، لإحكام تدفئه .

#مهم⁩ ابدئي بتحميم جسم طفلك ثم رأسه، كي لا يشعر بالبرد. حافظي على استحمام الطفل بشكل دوري، حيث تقلق بعض الأمهات من تحميم الأطفال في الشتاء، ما يؤدي لزيادة انتشار الميكروبات والجراثيم المسببة للبرد والأمراض
#اطفال_كلينيك

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *