إليكم الأنباء يا سادة
علا محمد
إليكم الأنباء يا سادة
واحدة واحدة وتاتا تاتا
أحداث مرة ماهياش سادة
تقطع القلب الصامد باستماته
هنحكيهالكوا بدون نقصان أو زيادة
جندي مات على أرض سينا
بعمره كان حامينا
قالها كلمة قبل ما يموت
قالها قبل ما يعم السكوت
قال فى سبيل بلدي بعمري أنا فديت
قال سامحيني يا أمي أنا بوعدي ما وفيت
لما كنتي بتودعيني ودموعك على خدك وقولتلك راجع
كنتي حاسة يا نور عيني لما جالك خبر موتي الفاجع
كان نفسي أكون دلوقتي تحت رجليكي راكع
مات الشهيد وكسر قلب أمه
ماهي كان نفسها زي أي أم يوم فرحه تضمه
وتبوسه وتقوله : مبروك يا حبيبي البدلة حلوة أوي عليك
وأخيرا جه اليوم اللي هفرح فيه بيك
تتهني بعروسك ربنا يباركلك فيها
ويرزقكوا الذرية الصالحة وتملولنا البيت عيال
مكانتش تعرف إنه هيموت قبل الكلام دا ما يتقال
ابنك يا حاجة شهيد من الأبطال
رفع اسم بلده واتقال فيه موال
اترك تعليقا