الرئيسية أخبار الجلاش بطعم الكريمه والموز

الجلاش بطعم الكريمه والموز

moda 543
الجلاش بطعم الكريمه والموز
واتساب ماسنجر تلجرام

 



جلاش كريمه وموز  مقدم من شيف / هدير علام

الطعم عالمى عالمى عالمى ميكس الجلاش بالزبده مع الكريمه المتقطع معاها موز بجد خرافه وسهل جدااا وسريع

والمفاجئة بقى أنه مش مسقى سيرب”شربات حلويات”

طب واخد الحلاوه بتاعته من ايه ؟؟  يلا بينا وهقولكوااا

المقادير :

12 ورقه جلاش

زبده سائحه

سكر بودره

“للكريمه كوب ونص لبن معلقه كبيره ونص نشا .. معلقه كبيره ونص سكر . رشه فانيليا .. كله فى حله ونقلب كويس جدا وبعدين نرفع ع النار وتقليب مستمر لحد متتقل وناخد قوام مظبوط ”

الطريقة :

نجيب صينيه مقاس 20 ندهنها زبده من الزبده السايحه كويس ونحط اول ورقه جلاش ونديها فرشه زبده كويسه ” نتوصى ” وبمصفى الاعشاب ندى للورقه كلها فوق الزبده طبقه سكر بودره .. نحط الورقه التانيه ونديها فرشه زبده ورشه سكر بودره وهكذا لحد منخلص 6 ورقات بعد كده نحط الكريمه ونقطع شرائح موز فوقها .. ناخد بالنا منوصلش الكريمه للطروف وبايدينا نعمل طروف الجلاش حوالين الكريمه ونبدأ نرص ال6 ورقات الباقيين بنفس النطام مابين كل ورقه والتانيه فرشه زبده وطبقه سكر بودره بس كده نخلص نظبط الحروف بشكل متناسق جوه بعض كده ونلمها وندى للوش فرشه زبده وطبقه سكر بودره كمان وندخل فرن سخن لحد مايستوى تماما ونشغل الشوايه دقيقه ونطفى ” يادوب السكر اللى ع الوش يسيح ويعمل لون دهبى نطلع منغطيش .. تهدى حبه ونقطع ونقدم وبالهنا والشفا

 

اترك تعليقا

لن يتم نشر عنوان بريدك الإلكتروني.