الرئيسية أخبار الكبده الاسكندراني

الكبده الاسكندراني

moda 1278
الكبده الاسكندراني
واتساب ماسنجر تلجرام

الكبده الاسكندراني تقديم / شيف هدير علام
اصل الكبده معانا بالتفصيل من اول تقطيعها يلاا بينا
تقطيعه الكبده طبعا زى ما نحب لان في ناس بتحبها تخينه بس اصل التقطيعه بنجيب سكينه حااميه ونحط فص الكبده قدامنا وبميل كده بنبدا نقطعها شرائح رفيعه نخلصها كلها وناخد الشرائح نقطعها طرنشااات.
تمااام .. حاجه مهمه نقولها أن الكبده اصلها انها مبتتغسلش خاالص بس اللى موسوس أو بيأرف هنحط الكبده فى مصفى وننزل بالمصفى فى حله فيها ميه مغليه وعليها خل نص دقيقه ونشيل المصفى.

المقادير والطريقه :
زيت كتير . ملح “حسب الرغبه” فلفل اسود شطه ناشفه كمون”معلقه كبيره منهم كلهم “
معلقتين كبار توم مفرومين . ربع كوب خل . ربع كوب عصير ليمون
٥ قرون شطه شرايح سوا بارده أو حاميه حسب الرغبه
وووبس كده
طيب المقادير دى لكيلو كبده
هناخد الملح والفلفل والكمون والشطه الناشفه والخل والليمون والتوم والشطه القرون نحطها فى بوله ونقلب حلو جداااا ونحط عليهم الكبده ونقلب
وفى حله ع النار هننزل بزيت كتير اكتر من الكبده يبقى مغطيها نسخن الزيت جداااا وننزل بالكبده والخليط بتاعها ويااااااه بقى على صوت الطشه والريحه 🙈 حاجه تجنن كانكو واقفين فى محل كبده نقلب حلو بقى على نار متوسطه ربع ساعه بالظبط ونطلع الكبده بكبشه مفتوحه كده علشان نصفيها م الزيت ونرصها على جرجير ونقدم مع العيش الفينو والمخلل والليمون الاخضر وبالف هنا
وخلى بالكو التسويه الكتير للكبده مش حلو بيغمق لونها ويخلى قطمتها جامده

اترك تعليقا

لن يتم نشر عنوان بريدك الإلكتروني.