الرئيسية المرأة المشاكل التى يواجهها مصممين الهاند ميد وبعض آراء المصممين

المشاكل التى يواجهها مصممين الهاند ميد وبعض آراء المصممين

moda 1357
المشاكل التى يواجهها مصممين الهاند ميد وبعض آراء المصممين
واتساب ماسنجر تلجرام
كتبت: راندا المسدى 
“رصــــد الـــوطـــن”

أصبحت مهنة الهاند ميد  مجال كبير جدا فى الفترة الحالية ولكن يواجه اصحاب العمل به مشاكل وصعوبات كبيره اهمها  زيادة اسعار الخامات بشكل مبالغ فيه وعدم قدرتهم على تسويق منتجاتهم لإرتفاع اسعار الخامات مما يجعل قطعهم باهظه الثمن على المستورد الموجود بالاسواق

وسوف نأخد آراء بعض المصممين والمصممات فى مجالات عدة لعرض بعض مشاكلهم فى مجالاتهم
وترى مصممه رانيا يوسف قائلة :انا شخصيا من فترة طويله بشتكى اكتر حاجه من العماله والصنايعيه . مافيش اللتزام ..مافيش ضمير فى الشغل .. وطبعا نقص الخامات وعدم القدره على تكرار الموديلات بسبب اختفاء الخامات وقلتها فى السوق ..بمعنى انك لو جبتى مثلا احجار معينه او جالون واشتغلتى بيه لازم تجيبى منه كميه وتكونى مأمنه نفسك لأنك لو حبيتى تعيدى الموديل ونزلتى تجيبى الخامات بتاعته غالبا مش حتلاقيها ودده بسبب الاستيراد واعتمادنا الكلى على الخامات المستورده .. لدرجة ان مؤخرا كان فى نقص فى ابر الخياطه وهى أ ب الشغل . ود معناه اننا فعلا فى كارثه حقيقيه

وأضافت  مصممه الاكسسوارات دالياحسام قائلة: مشكلتى كمصممه حلى هاند ميد ان كل الخامات اللى بتعامل بيها مستورده مافيش حاجه بتتصنع هنا فى مصر وبلتالى بنبقى تحت رحمه التاجر فى الاسعار وانها تزيد كل يوم بحجه غلاء الدولار والاستيراد ده بلس انى مبلقيش كل الخامات اللى محتاجاها فى اوقات كتير ليه احنا منصنعش ده هنا بس بجوده عاليه ليه ميكونش فيه مدينه الحرف اليدويه زى مدينه الانتاج الاعلامى المدينه ديه اذا اتعملت واهتمت بيها الدوله هتبقى مصدر دخل غير طبيعى للبلد بلس انها هتخلى شباب كتير جدا يدخل فى مشاريع صغيره فيها ويحاول يكبرها كل الدول الاوروبيه بتنبهر بصناعه الهاند ميد واحنا مبهرين فيها فى كل مجالاتها اذا اتعملت حاجه زى ديه هيبقى عندنا مقر تصدير غير عادى بلس اننا هنحيى حرف قربت تندثر
ديه امنيه طول الوقت بفكر ازاى تتحقق على ارض الواقع

ومن هنا نتمنى ان الصعاب والمشاكل تحل وان المصممين والمصممات يستطيعوا طرح شغلهم بدون اى مشاكل .

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *