الرئيسية أخبار طريقة سهله لعمل عجينة القطايف بالمنزل مقدمة من شيف هدير علام

طريقة سهله لعمل عجينة القطايف بالمنزل مقدمة من شيف هدير علام

moda 795
طريقة سهله لعمل عجينة القطايف بالمنزل مقدمة من شيف هدير علام
واتساب ماسنجر تلجرام

القطايف 🥞 مقدمة من / شيف هدير علام 
بكوبايه دقيق واحده هنعمل عجينه القطايف 🥞 هتطلعلنا من ١٥ ل٢٠ قطعه حسب الحجم
وبجد احساس حلو اووى واحنا بنعملها وبتطلع احسن من الجاهزه
يلااا بينا
كوب دقيق / نص معلقه صغيره خميره فوريه/ معلقه صغيره سكر/ معلقتين صغيرين لبن بودره / ذرات من الملح
فى بوله هنحط ده كله ونقلب وننزل بميه دافيه حبه بحبه لحد ماناخد عجين شبه سائل ” موضح فى الصور” الكميه دى تقريبا هتاخد كوب وأقل من الربع ميه وبيكون طبعا حسب نوع الدقيق … اهم حاجه نخلط كويس بمضرب يدوى وممكن نخلط فى الخلاط
هنسيبها تخمر وبعدين نقلبها تانى وكبشه كبشه بقى بالحجم اللى نحبه فى طاسه سخنه مبتلزقش واول ماتعمل فقاقيع ولون العجينه ع الوش يتغير نشيل ونرص لااازم على فوطه نضيفه ناشفه وبس كده نحشى زى مانحب ونقلى فى زيت غزير واللى فى الصوره من غير قلى بتكون خفيفه وطعمها مميز لو محشيه كريمه ومكسرات وطبعا القطايف المقليه بحشو الجبنه طعمها فى حته تانيه خالص روعه  وبرده بنحشيها لحمه معصجه وعيشو بقى حشوات حلو وحادق هى عجينه بتقبل الاتنين ⁦

اترك تعليقا

لن يتم نشر عنوان بريدك الإلكتروني.