الرئيسية أخبار طريقة عمل الدانش من أشهى الحلويات

طريقة عمل الدانش من أشهى الحلويات

moda 772
طريقة عمل الدانش من أشهى الحلويات
واتساب ماسنجر تلجرام

الدانش 🥨 مقدم من شيف / هدير علام
عجينه سهله وبسيطه هنعمل بيها احلى دانش خفيف وهش ومووورق.

المقادير :

نص ك دقيق
علبتين زبادى / معلقه كبيره بيكينج بودر / معلقه كبيره خميره فوريه / معلقتين كبار سكر / ربع كوب زيت / رشه ملح / ربع كوب لبن بودره / ماء دافى للعجن
“زبده سائحه للفرد ”

الطريقة : 
فى بوله هنحط الدقيق ورشه الملح والبودر واللبن البودره ونقلب وفى كوبايه هنحط الخميره والسكر مع نص كوب ماء دافئ ونقلبهم ونسبهم خمس دقائق وننزل بيهم ع الدقيق ونضيف الزبادى ونعجن بالميه الدافئه حبه بحبه لحد مالعجينه تبدأ تلم ننزل بالزيت ونعجن حلو جدا مالايقل عن ٧ دقائق هناخد عجينه طريه زى اللبان نسيبها تخمر لحد مايضاعف حجمها نخدها نكورها كور متوسطه ونسيبها تخمر تانى .. وبعدين ناخد كل كوره على سطح مرشوش دقيق ونفردها بالنشابه لحد ماتبقى رفيعه جدااا ندهنها فرشه زبده كويس ونلفها رول وبعد الرول نبرمها كذا مره على نفسها كويس ونعملها دائره كده مفرغه ونربطها من الأطراف على نفسها وهكذا … نرصهم فى صينيه الخبز تكون مرشوشه دقيق ونسيبها تخمر وندهن وشها ” معلقه نسكافيه بلاك على معلقه سكر على معلقه لبن بودره مدوبين فى حبه ميه صغيرين جدا ” وع الوش نرش سكر وندخل فرن سخن على ١٨٠ لتمام التسويه تطلع ندهنها مربى او عسل ابيض ونحطلها كريزه فى النص وبالف هنا

اترك تعليقا

لن يتم نشر عنوان بريدك الإلكتروني.