بالفيديو فطائر الكاسترد الهشة مقدمة من شيف هدير علام
فطائر الكاسترد الهشة..مقدمة من شيف / هدير علام
من أحلى المخبوزات اللى هاتستمتعوا جدااا وانتوا بتاكلوها
الطريقه بالتفصيل وازاى لونها بيلمع كده للى يحب يشوفها عملى
و دى الطريقه مكتوبه بالتفصيل ..
فطائر الكاسترد الهشه
٤ اكواب دقيق
كوب وربع حليب دافى
معلقه كبيره خميره فوريه. ربع كوب سكر
معلقه كبيره زبده
بيضه وفانيليا سائله
كاسترد جاهز للحشو
هنحط الحليب والخميره ومعلقه واحده سكر من الربع كوب ونقلب ونسيبهم ١٠ دقائق يختمروا وبعدين نضيف باقى السكر والبيضه والفانيليا ونقلب كويس ننزل بالدقيق نعجن واول مايتلم هنضيف الزبده ونعجن مالايقل عن ربع ساعه ومنضفش دقيق احنا عاوزينها عجينه طريه جدا ناعمه شبه ملزقه بس بتفك من الايد .. نسيبها تخمر وبعدين نقسمها كور وناخد كل كوره نحسبها حبه كاسترد ونقفلها ونرصها فى صوانى مدهونه أو مفروشه ورق زبده وبعدين نبططها حبه صغيرين ونديها تشريحات بسيطه بالسكينه من فوق ونسيبها تخمر تانى ونلمعها بعد كده ببيضه مضروبه بربع كوب لبن وفانيليا وندخل فرن سخن على ١٨٠ لتمام التسويه وتحمير الوش وبالهنا والشفا
اترك تعليقا