الرئيسية خواطر ” كلام من القلب ” قلبي حزين مكسور

” كلام من القلب ” قلبي حزين مكسور

moda 22062
” كلام من القلب ” قلبي حزين مكسور
واتساب ماسنجر تلجرام
بقلم / نسرين نبيل
“رصـــد الــوطــن”

قلب حزين مكسور عليك … يا جندي بلادي
واقف علي الحدود …. تحميني تحمي ولادي
جاتلك رصاصة الغدر …. من الخسيس الندل
اللي مالوش ملة … ولا نعرف له دين
اللي هايتعرض يوم القيامة …. علي رب العالمين
قلبي عليك أنكسر …. والله قلبي حزين
مع إني أرجع أقول …. دول شهداء مع الأبرار في الجنة قاعدين
بس أمه …. ماليها ذنب
أصل الضنا غالي …. عزيز في القلب
أبكي عليك يا ولدي بكا …. ما بكاه حد
أحزن كتير …. قلبي أنكسر من كتر نوحه
كان نفسي أفرح بيه …. بدل ما أشوف جروحه
ولا مراته …. بعده ما ليها حد
وأبنه اليتيم أنكسر ….. أصله السند والضهر
حزني عليك ….. حزن السنين
أنا نفسي أسأل دول مين ؟
بتحاربوا في مين ….. يا شوية مجانين
في اللي حاميكوا … ومخليكوا … مرفوعين الراس
غيرنا في بعض الدول ….. ناس بالجزم تنداس
خدوا بالكوا يا ….. مصرين
واسألوا روحكوا ….. دول مين ؟
دول أعدائنا ….دول فاجرين
دول ولا ملة … دول ولا دين
لف ودور …. وأقتل كمان
هما في الجنة ….. وأنت في جهنم الحمرا
بينا وبينك الف سد …. مختصمينك عند الرب
هو الأعلي وهو الأعلم أنتوا ….مين؟
انتوا كفرة. ….. مجرمين
أبني شهيد ….. أنا أم الشهيد
ابني النهارده في الجنة …. انقاد له عيد
بين الملايكة بيتزف لجنته …. شايفة ضحكته
حزني لفراقه صحيح …. بس فرحي أنه ساب دنيا فانية
وإن ربي اختاره هو …. في الجنة شهيد
يا بلادي يا بلادي ….. لكي حبي وفؤادي
وإن مات …. ولدي شهيد
هاقدملك التاني
وإن راح مني ….. ابني
برده فيكي. …. هابني
وما يوقفنا ….حد
ولو أعداءك جبل …. بإردتنا ينهد
يا بلادي يا بلادي …. لكي حبي وفؤادي

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *