من أسهل وأسرع الطرق للدجاج الاستيك المشوي
ستيك الدجاج المشوى مقدم من / شيف هدير علام
اسهل واسرع طريقه وطعم روعه
صدور بانيه مش متقطعه هنجيب كل صدر مخلى ونفتحه من النص لحد مانوصل لاخره بدون مانفصله هناخد شكل الاستيك الكبير والمفرود ونبدأ نعمل فيه تشريحات خفيفه بالسكينه وطبعا يكون مغسول
هناخده نتبله ببصل متخرط مش مبشور علشان يبقى سهل نشيله تانى .. وملح وفلفل اسود ولكل كيلو هانحط معلقتين كبار بهارات شوى “من العطار” وعصير لمونتين
نتبله مش اقل من ساعتين ويفضل قبلها بليله بعد كده هنسخن صينيه مبتلزقش كويس جدا وننزل بمعلقتين زيت نباتى وناخد الصدور مفروده زى ماهى ننفضها من التتبيله ونديها لون على نار عاليه ع الناحيتين وبعد كده هننزل عليهم بميه التتبيله ” الميه فقط بدون البصل” ونغطى ونهدى النار لتمام التسويه
بعد كده هنولع فحمه ونحطها على قطعه فويل ونحطها فى نص صينيه الفراخ وننزل على طرفها فقط بنقطة زيت واول ماتدخن نغطى بسرعه علشان تشرب ريحه الفحم كله ودوقوا بقى احلى طعم لاستيك الفراخ المشوي الخفيف جدااا والوصفه دى حلوه للدايت وطبعا اللى عنده شوايه يشوى عليها ع طوول
اترك تعليقا