تعرف علي قدر السعادة التي تعيش فيها

كتبت / سها أحمد تعرف علي قدر السعادة اللي انت.
Article rating: out of 5 with ratings

تعرف علي قدر السعادة التي تعيش فيها

كتبت / سها أحمد تعرف علي قدر السعادة اللي انت...
رئيس مجلس الادارة احمد ادهم
المدير التنفيذي احمد العزبي
اخر الأخبار

أخبار

تعرف علي قدر السعادة التي تعيش فيها

8 سبتمبر، 2020, 10:01 م
64
تعرف علي قدر السعادة التي تعيش فيها
طباعة

كتبت / سها أحمد

تعرف علي قدر السعادة اللي انت عايش فيها

خليك قنوع وإنسان يتسم بالرضا

ورأيك بنفسك أولا أهم من رأي الآخرين فيك وفي أي شئ يخص تفاصيل حياتك

محدش عاش المك وتجاوزك لأيامك وتجاربك الصعبة اللي انت انتصرت عليها ولسه هتنتصر كمان الإنسان مهما يعيش لما يموت هيتحاسب لوحده في قبره وفي آخرته لا هينفعو حد …

ولا رأي حد اللي هينفعوا عملو الصالح وبس لذلك خليك امين ورقيب علي نفسك ورأيك في نفسك في كل تفاصيلة في شتي جوانب حياتك ….

.اهم من رأي كل البشر فيك انت وحدك اللي استحملت وعلي درايا والمام بتفاصيلك يعني اللي يقولك رضا الناس غايه لاتدرك قوله رضا الناس ده غايه متلزمنيش نهائيا …..الاهم هو مدى رضاك علي نفسك بس ده مش معناه انك تكون انسان متصلب لا تتقبل وجهات نظر الاخر ….بمعني لما تاخد رأي أو تدخل في سياق مناقشة مع فئة موثوق في ارائها تجاه موضوع معين …اعطي نفسك فرصة انك تشوف اطار المناقشة من زوايا تانية صدقني .ممكن تستفيد بنصيحه بناءة تضيفلك .تفيدك تغير فيك شئ للأفضل لمسار مختلف بشكل جذري وبلاش تدعي الكمال والمثالية ولا تنتظرها في مخلوق لان الكمال لله وحده

ثم كلنا فينا تناقضات بلا استثناء وبلاش تدعي انك عليم وفقيه بكل شئ لان مفيش مخلوق بشري عليم بكل شئ .مهما وصل ل اعلي التميزات العلمية والخبرات الحياتية …..لان حتما عندك نقص في حاجات معينة ….العليم هو الله وحده علم الإنسان مالم يعلم ….ومهما الإنسان يوصل هو في حقيقة الأمر موصلش بعلمهاللي عامل زي نقطة في محيط ….. انت بشر بين الخطأ والصواب انت مش مثالي طول الوقت ولو قولت انك مثالي هقولك انت كداب مع نفسك في المقام الأول….انت بشر وعلي كوكب الأرض بين الذنب والتوبة بين الغفلة. واللهو والهفوة وبين اليقظة والحذر والاحترازيعني خلي عندك ضمير متغطلش وتبقي جاحد وبجح لما نفسك الإمارة بالسوء تخليك تغلط ياريت بينك وبين نفسك تعترف واوعي تشوف أي ذنب ترتكبه هين او تستضغره عشان هيكون كبير عند ربنا …..استغفر ربك …لان رحمته وسعت كل شي وخير الخطائين التوابين ومتخليش تعودك علي النعم من المسلمات عشان لو أي نعمه في حياتك راحت منك هتحس بقيمتها الكبيرة متخليش التعود يخليك في غفلة وينسيك انك تحمد ربنا ديما وتشكره بصيغة مستمرة …

ومتضيعش عمرك في الامور دي التحسر علي ما فات ( اللي فات مات ) بلاش تذكر الماضي كل لحظة والوقوف عند أحداثه خليك جدع واتعلم العبر والدروس لان قافله الماضي مش هتروح بيك في أي مكان غير انها هتعيق خططك الحاضرة ….والمستقبلية عيش زي ماانت وبلاش تتصنعاسعد نفسك بكل الامور المتاحة عندك …وبلاش تأجل لحظة السعادة . وحاول انك تجعلها مثالية ..بلاش الإنتظار علي انك تراهن متكنش مبسوط الا لم يتحقق كذا …وكذا ….لان لحظه الانتظار ممكن تفتكرها مؤقتة لكنها هتتحول الي دائمة وفجاءة تلاقي نفسك رحلت احترم ادراكك وحدسك واتجاهتك الفكرية أجمل ما في الإدراك الذاتي انه بيمدك بمناعه نفسية ضد بعض الصدمات وبيعرفك ان مفيش في الدنيا حاجه مضمونة …كل شئ ممكن يتغير رأسا علي عقب مبدئيا بالنسبة للناس والعلاقات … متعليش سقف توقعاتك في اللي حواليك (حرس ولا تخون)اللي بيبرهن بفعله الطيب معاك ابني له منزله تدريجية بقدر افعاله… لحظة بلحظة .وبرضوا متعليش سقف توقعاتك لان النفوس بتتغير اما انت لازم تحتفظ تجاه اي موقف بنزاهتك ووقارك و أخلاقك ومبادئك مهما تبدل أي شي حواليك بس عارف حقوقك كويس وعارف اللي ليك واللي عليك وامتي تكون شرس وامتي تكون رحيم وهين..قوي وصارم تجاه ..أي مخلوق كائنا من كان تسول له نفسه انه يتجاوز الحدود والخطوط الحمراء الخاصه بيك هنا لازم يتحاسب أحلي حساب عسير لاينساه طول حياته واياك تكون سبب في ضر حد والمقصود الضرر ب أنواعه سواء نفسي او اي ضرر …..لان ربنا قال في حديثه القدسي (ياابن ادام أفعل ما شئت فإنك كما تدين تدان ) خليك عايش بمبدأ لا ضرر ولا ضرار اياك والظلم ….اوعي تظلم حد ..

..الظلم ظلمات علي صحبه وربنا يتوعد بحساب عسير في الدنيا قبل الآخرة ل أي حد بيظلم وربك في الحديث القدسي للمظلوم بيقول (وعزتي وجلالي لأنصرنك ولو بعد حين)ربنا حرم الظلم علي نفسه العداله الإلهية كفيلة بتدميرك لو ظلمت حد مفيش حاجه مضمونه ولا مصدر امان في لحظه كل حاجه ولاي سبب ممكن تتبدل الغني ممكن يبقي فقير والعكس صحيح مهما كنت رياضي …ومواظب علي عادات صحيه ممكن يحصل أي حاجه في صحتك ب ابسط أمر يوقعك علي الأرض متبقاش مختالا وفخور من فضلك لذلك انت عايش بحفظ من الله …قول الحمد لله دائما وأبدا مهما يعلي شانك خليك متواضع (قميتك الحقيقه) مش مقتصرة في ماركات ملابسك الشيك وعربيتك موديل السنة وكل مقتنياتك الفارهة اللي ممكن تضيع عمرك عشان تجني اكتر واكتر وتلاقي نفسك في كل مرحلة عايز تواكب اكتر وممكن تضغط علي نفسك اكتر …. تحت بند المظاهر الزائلة مش معني كده اني بقولك متظهرش في احسن صورة الاهتمام بمظهرك العام شئ مفروض عليك بس اللي عايزة اوصلو ان الحاجات دي مش بتحدد قيمتك …عند اولي الألباب زي ما قال النبي صلي عليه وسلم (لو كان لابن آدم واديان من مال لابتغي ثالثا ولا يملأ جوف ابن آدم الا التراب )وخلي حقيقة انك في دار ممر لا مستقر نصب عينيك عشان تتشجع علي تزويد اعمالك الصالحة قميتك الحقيقة ب اعمالك وانجازاتك اعتزل ما يؤذيك ابعد عن محضات الهراءت متخليش حد يشل ارداتك يحطم من طموحك واحلام عيش علي سجيتك.

إرسل لصديق

  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات