فضفضه رضوى إبراهيم …الست بتحب الراجل اللى بيهتم بتفاصيلها حتى لو كانت تفاصيل صغيره

كتبت : رضوي ابراهيم        " رصد الوطن.
Article rating: out of 5 with ratings

فضفضه رضوى إبراهيم …الست بتحب الراجل اللى بيهتم بتفاصيلها حتى لو كانت تفاصيل صغيره

كتبت : رضوي ابراهيم        " رصد الوطن...
رئيس مجلس الادارة احمد ادهم
المدير التنفيذي احمد العزبي
اخر الأخبار

أدب

فضفضه رضوى إبراهيم …الست بتحب الراجل اللى بيهتم بتفاصيلها حتى لو كانت تفاصيل صغيره

4 مارس، 2017, 6:17 م
1131
فضفضه رضوى إبراهيم …الست بتحب الراجل اللى بيهتم بتفاصيلها حتى لو كانت تفاصيل صغيره
طباعة

كتبت : رضوي ابراهيم 

      ” رصد الوطن ” 

أغلب الرجاله بتشتكى من تشابه الستات فى زعلها
وأبسط لقب بيترزع دول ياعم ناقصات عقل ودين
دا تفضل الست من دول لويه بوزها … وتسألها مالك. ..
ترد بكل استفزاز وبوزها أدمها شبرين. … مافيش
ولما تسبها تتفلق … تتقمص وتدب معاك الخناقه المتينه ….
ويبقى نكد ما بعده نكد …
دا جنان …
ستات فاضيه …
دلع مرق …
هى بقى عايزاني أسيب شغلي ومسئولياتى … وأقعد أدادي فيها وأسايسها … فاضى أنا بقى …
للدلع الماسخ دا …
عالم معندهاش دم ….
دا كلام معظم الرجاله …. لكن الحقيقه أبسط من كدا …
الست عايزه حاجات صغيره أوى مش هتاخد منك وقت ولا مجهود … لكن من كتر بساطتها أنت مش واخد بالك منها وبتبذل مجهود أكبر بكتير فى:
الزعل
النكد
التفكير الست أيه اللي يرضيها
الست نانسي عجرم عملت أغنيه لخصت فيها الست عايزه ايه وقالت :
في حاجات تتحس ولا تتقلش وأن جيت أطلبها أنا مقدرش
ولو انت عملتها بعد ما انا اطلبها يبقى ما ينفعش
فى حاجات تتحس ومتتقالش توجع فى القلب ومبتبانش
وافضل على طول تعبانة ما بين طب اقولك ولا مقولكش

مقدرش اقولك غير كل طريقة حبك ليا
او غير عليا ولا فاجئني في مرة وهاتلي هدية
واملى عنيا واعمل حاجة انا مش عارفاها

مقدرش اقولك حلي الدنيا فعيني وغير فيا
لو مهما كنت قريب مني وكنت قريب ليا
مقدرش اقولك شكل حياتنا اللي انا عايزاها
الأغنية دي لخصت كل حاجه لكن علشان كلام أغاني متاخدش بجديه
رغم أن الدراما والأغاني جزء لا يتجزء من حياتنا
ما علينا
الستات في حاجات صغيره أوى بتفرق معاهم ممكن أنت كراجل مش واخد بالك منها ولو عملتها مش هضيعلك وقتك بالعكس دي هتريح دماغك من وجع القلب والنكد والخناق :
☆ فجاءها بشكولاته حتى لو من أم جنيه
☆خاف عليها كأنها بنتك الستات بيأكل معاهم الكلام دا أوي
☆لو ماشى معاها في الشارع قولها تعالى امشى بعيد عن العربيات هتحس أحساس حلو وانت مبذلتش مجهود
☆مش فاضى ووراك شغل ابعتلها رساله قولها بحبك ونفسي اكلمك ورغم أنى مشغول حسيت أني لازم أقولك بحبك مهما كان ورايا
☆متعليش صوتك عمال على بطال
☆أسمعها
☆عكسها حتى لو كنت متجوزها من 30 سنه الست ست صدقني
☆متخوفهاش من رد فعلك علشان تحكيلك
☆لو بتزعل من اتصالاتها الكتير اول لما تتصل كنسل عليها وقولها حبيبي معلش مش عارف ارد عليكي دلوقتي بحبك
☆تحسسها أنها ماليه عينك وقلبك
☆بلاش تتريق عليها وعلى شكلها
☆بلاش تمدح ست تانيه وتجرح مشاعرها
☆اسالها اكلتي
☆اسالها عن يومها
☆اضحك فى وشها
☆حافظ ديما على خط الراجعة معاها
☆قولها انتي حلوه النهارده حتى لو مجامله
☆لو عملت أكل طعمه مش حلو وجها بأسلوب كويس بلاش تكسر خاطرها وتقولها الأكل طعمه يقرف
حط نفسك مكانها هترحمها
دا كفاية:
☆وجع الدوره الشهريه ونفسيتها اللى بتبقى تعبانه والألم اللى بتحس بيه
☆كفايه الحمل والرضاعه
☆المذاكرة والترتيب
وخلى بالك الست مش بتعجز الست بتنطفى لو ملقتكش سند ليها وبتسعد قلبها وعينها
صدقني الحاجات دي بتفرق مع الستات أوى

إرسل لصديق

الوسوم :
  • مقالات ذات صلة
  • المزيد من الكاتب
  • مقالات قد تهمك

تعليقات الموقع

تصويت

ماهو رأيك فى التصميم الجديد ؟

تابعنا على فيسبوك

تابعنا على تويتر

رصد الوطن جريدة عربية بوابة الاعلام النظيف -تعرف علي الراي و الراي الاخر - الاخبار في كل لحظة اخبار الرياضة المصرية الاهلي و الزمالك اخبار السياسة اخبار الحكومات