الرئيسية خواطر ” كلام من القلب ” بحبك بيني وبين نفسي

” كلام من القلب ” بحبك بيني وبين نفسي

moda 3096
” كلام من القلب ” بحبك بيني وبين نفسي
واتساب ماسنجر تلجرام
بقلم / نسرين نبيل
“رصــد الــــوطــن”

حبيبي حياتي أنت العمر

وأنت كل أحلامي

بعيش وياك سعادة عمري ما شوفتها في أيامي

بشوفك حتي في أحلامي

بحس بإني نجمة لفوق وأنت جوه أوهامي

يا ريتني شوفتك من زمان ماكنش يبقي فيه آلام

بحبك وأنت مش داري في أحلامي في أوهامي

وبرده ديه كلمة مش كافية حبيبي للي بشعر بيه

يا ريتك تبقي داري باللي أنا فيه

بقيت حبيبي دايبة أنا فيك

ومن نظرة ومن كلمة بلاقي قلبي يناديك

بحبك وأنت حلم بعيد

بحبك رغم ظروفي وآلامي

بحبك رغم خنقة أيامي

ورغم كل الصعاب هافضل أحبك من غير عتاب

بحبك بس بيني وبين نفسي

ويكفيني أنا وهمسي أفكر فيك وأقول حكايات

أقول غنوة تكون حلوة

وآهاتي ما يسمعها غيري ساعات

ساعات أضحك ساعات أبكي

وأحلم بيك تواسيني تخليني بعيدة تماما عن يأسي

وبتلكك عشان أشوفك وأغرق في عيونك دول

ياخدني حنيني يندهني

الاقي نفسي مستني عشان أشوفك وأشوف طيفك

وهافضل أحبك كده بيني وبين نفسي لأخر العمر

يا كل العمر يا أحلامي يا أوهامي

يا حكاياتي وألامي بحبك حب جنون

بحبك بس لا والله دا أنا مفتون

بحبك حب في مدينة بلا سكان

بحبك حب قصيدة بلا عنوان

بحبك حب ماله نهاية واضحة مفهومة

ولجل ظروفي أنا ساكتة ومن حبك محرومة

وهافضل أحبك بس في أحلامي وأوهامي

وأعيش معاك قصة حب معدومة

عشان ظروفي وظروفك بقينا خلاص قصة حب

بلا إحساس محكوم عليها من كل الناس

هي قصة حب بلا أوطان

وقبل ما تبدأ محكوم عليها بالإعدام

وأنا راضية لكني حاسة قد إيه مظلومة .

اترك تعليقا

لن يتم نشر عنوان بريدك الإلكتروني. الحقول الإلزامية مشار إليها بـ *